Nesër mitingu i 28 Korrikut, si “adrenalinë ” për të ringjallur një të “vdekur”!
Dhe këtu gabojnë rëndë autorët, servilet …i vdekuri nuk ngjallet, varroset.
Gabim tipik ky për të gjitha autokracitë, diktaturat, edhe i Ramës.
Kështu veproi Caushesku me 21 Dhjetor 1989 në Bukuresht!
Kështu mendoi Alia me mitingun e 13 Korrik 1990 në Tiranë!
Shume të tille kanë menduar e vepruar kështu, por përfundimi i tyre i paracaktuar nga historia nuk ndryshoi dot.
Këto rregjime arkaike e të vdekura gjithsesi dolën nga skena e historisë duke u kujtuar me tej vetëm për të keq.
Ata lloj shëmtirash-mitingje prej të cilave ne shqiptarët kemi parë shumë, nuk i shpëtuan dot.
Të tilla aktivitete “ falënderimi ”, “mirënjohje ” “adhurimi” “besnikërie ” ndaj liderit suprem e “sukseseve” të tij, janë karakteristike vetëm e rregjimeve.
Primitivizma të njerëzve primitivë këto, që kërkojnë të kënaqin “epshet” e autokratit a diktatorit, t’i “injektojnë ” atij gjumë të qetë, ndërsa populli nuk fle.
Mitingjet, manifestimet si rregull në demokraci organizohen nga opozitat, grupe shoqërore, sindikatat, për të protestuar, sjelle në vëmendje problemet e njerëzve.
Nqs Rama do të kamuflojë këtë ”teatralitet me pjesëmarrje të detyruar” me aspiratën europiane të shqiptarëve, gabon e spekullon rëndë.
Shqiptarët e kanë treguar me të tjera qendrime e veprime gjatë historisë sonë mijëra vjeçare që jemi nje popull thellesisht pro perëndimorë, europeist.
Është Rama ai që ka demostruar të kundërtën me anti europeizmin e tij, në çdo akt politik, duke e vendosur Shqipërinë përsëri në një “udhëkryq historik”.
Dhe ky pozicionim i tij nuk mund të makiazhohet a korrigjohet dhe jo me te ndryshoje, me atë “mitingun” tipik autokratik Lindor.
Ky rregjim tashmë nuk mund të ringjallet…ai është realisht i vdekur.
Ai duhet thjesht vendosur në analet e “errëta” të historisë sonë si një e keqe për të mos u përsëritur.
