Një aksident i rëndë ka ndodhur mbrëmjen e sotme midis fshatit Mbyet dhe Portëz, në segmentin rrugor Fier- Patos.
Një qytetar, i cili po udhëtonte me biçikletë është goditur nga një makinë dhe për pasojë ka rënë përtokë i dëmtuar.
Drejtues të tjerë mjetesh kanë ndalur për t’i dhënë ndihmën e parë qytetarit të plagosur, i cil është transportuar me urgjencë drejt Spitalit Rajonal Fier për të marrë ndihmën mjekësore.
Policia dhe grupi hetimor mbërritën në vendngjarje për të përcaktuar shkaqet e aksidentit.
