Ministri i Brendshëm Besfort Lamallari mori pjesë në ceremoninë e përfundimit të stërvitjes së përbashkët mes forcës speciale shqiptare RENEA dhe njësisë elitë të policisë greke EKAM.
Postimi i Lamallarit në rrjetet sociale:
Në ceremoninë e përmbylljes së stërvitjes së përbashkët mes forcave speciale RENEA dhe forcave speciale greke EKAM. Një dëshmi e qartë se siguria nuk njeh kufij dhe se partneriteti mes vendeve tona forcon kapacitetet për t’u përballur me çdo sfidë që cënon rendin dhe sigurinë publike.
Profesionalizmi dhe përkushtimi i forcave elitë të dy vendeve tona, meriton respekt e mbështetje të vijueshme. Ne do të investojmë në forcimin e strukturave të sigurisë dhe në thellimin e partneritetit me aleatët tanë, duke konsideruar këtu edhe përfshirjen e RENEA-s në platformën europiane të njësive speciale ATLAS Network.
Mirënjohje për çdo efektiv të RENEA-s dhe EKAM-it për punën dhe sakrificën në shërbim të sigurisë së qytetarëve 🇦🇱🤝🇬🇷
