Teksa degjova disa sekuenca nga recitimi i zv/Kryeministres në Kuvend , dallova tragjedinë e veçantë edhe të padukshme që përjetohet vetëm në zyrat e pushtetit edhe në ekranet ndriçuese: tragjedinë e një njeriu të suksesshëm por të mjerë.
Belinda që mori gjithçka të cilën ëndërronte – punën e ëndrrave, pozicionin, përfitimet, duartrokitjet – dukej si një guaskë e zbrazët që endej nëpër sukseset që duket perfekte vetëm në fjalët e recitimin e saj.
Gruas që buzëqesh nëpër foto, shtrëngon duart nëpër konferenca , që i këndohet nëpër inagurime, suksesin nuk ja “kishin falur” edhe fitoret ishin kaq të rënda.
Brezi im u rrit midis dy epokash. Diku gjatë rrugës, disa nga ne gabimisht mësuan të barazonin produktivitetin me qëllimin dhe dukshmërinë me vlerën. Nxituan drejt arritjeve të rëndësishme sepse të gjithë të tjerët po vraponin, duke supozuar se vija e finishit do të sillte përbushjen.
Në një botë të fiksuar pas idesë “çfarë vjen më pas”, disa rrallë pyetën “çfarë ka rëndësi?” Ndërtuan CV-të, jo jetën; synuan lartësinë duke humbur themelet; grumbulluan kredenciale, por harruan të kultivojnë kujdesin .
Të shkujdesur , të dehur në adrenalinën e pushtetit , ranë në kurthin e suksesit në pushtet që askush nuk e përmend: ngritja në detyrë, lëvdatat, fitimi, duartrokitjet, vijnë duke humbur sovranitetin, lirinë, apo duke humbur paqen nga skeletet e grumbulluara në dollap.
Suksesi në pushtet është i zhurmshëm, matet, krahasohet dhe gjykohet, por jam e sigurt që suksesi i Belindës, ( apo i askujt tjetër në qeveri ) nuk shqetëson edhe nuk zileps askënd as në atë sallë edhe as jashtë saj.
Sepse suksesi nuk është një vijë finish-i; suksesi është një pasqyrë. Ai reflekton atë që je bërë gjatë rrugës, dhe për Zv/Kryeministren ( me cështjet e hapura në SPAK ) , ky reflektim është i pakëndshëm.
Jeta është e tillë . Një ditë, duartrokitjet zbehen, titujt bihen dhe momentet historike turbullohen në kujtesë.
Ndaj suksesi i vërtetë ai që zileps e që nuk falet nuk u përket atyre që janë shumë të njohur, por atyre që janë të denjë për t’u njohur.
