Ish-ministrja e Infrastrukturës dhe Energjisë është nën akuzë në lidhje me procedurat e prokurimit publik për Tunelin e Llogarasë dhe Unazën e Madhe të Tiranës.
Sipas akuzave të ngritura nga SPAK, Balluku është marrë e pandehur për disa vepra penale, mes të cilave shkelja e barazisë së pjesëmarrësve në tenderë apo ankande publike, në bashkëpunim dhe në nëntë raste, si dhe korrupsioni pasiv i personave që ushtrojnë funksione publike.
Dosja përfshin gjithashtu akuza për korrupsion pasiv të funksionarëve të lartë shtetërorë ose të të zgjedhurve vendorë, refuzim apo fshehje të deklarimit të pasurive dhe interesave privatë, si dhe pastrim të produkteve të veprës penale ose të veprimtarisë kriminale, në rrethana cilësuese dhe në bashkëpunim.
Komunikimi i mbylljes së hetimeve shënon një fazë të rëndësishme procedurale, pas së cilës çështja mund të vijojë drejt hapave të mëtejshëm të parashikuar nga ligji.
