Deklarata e Kreut të Legalitetit, Shpetim Axhami:
Dita e Dëshmorëve duhet të jetë më 7 Prill. Të vrarët e regjimit komunist të marrin statusin “Dëshmor i Atdheut”
Kjo datë shënon sakrificën e parë të bijve të këtij vendi kundër pushtimit fashist në vitin 1939. Është një ditë që na bashkon të gjithëve, më unifikuese, përtej ndasive politike, ideologjike apo historike.
Ndër të rënët e asaj dite janë:
Mujo Ulqinaku, Hamit Dollani, Haxhi Tabaku, Isak Metalla, Ismail Reçi, Hysen Kalçi, Ramazan Lezha, Ibrahim Osmani, Hamit Veshko, Mitro Dhimërtika, Tonç Toma, Zenel Blana e shumë të tjerë.
Statusi “Dëshmor i Atdheut” duhet t’u njihet edhe atyre që u vranë, u burgosën apo u zhdukën nga regjimi komunist deri më 8 Dhjetor 1990, nuk mund të vazhdojmë të ndajmë shqiptarët në zogistë, ballistë apo partizanë. Historia nuk fillon me 8 Nëntor 1941 dhe nuk duhet të shkruhet me njëanshmëri.
Parlamenti dhe institucionet përkatëse duhet që sa më parë të ndërmarrin hapat ligjorë duke!
Përcaktuar datën 7 Prill si Ditën e Dëshmorëve
Dhe duke njohur si “Dëshmorë të Atdheut” të gjithë viktimat e regjimit komunist.
Vetëm kështu nderojmë të vërtetën dhe dëshmorët, ndërtojmë të ardhmen, dhe rrisim krenarinë tonë kombëtare!
