Bordi i Transparencës ka ndryshuar sërish këtë të premte, çmimet e tregtimit të naftës dhe benzinës në vend.
Në vendimin e marrë sot, i cili hyn në fuqi në orën 16:00, nafta do të shitet me 210 lekë, nga 207 lekë për litër që ishte dje, ndërsa benzina do të shitet me 176 lekë për litër, nga 174 që ishte dje.
“Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 210 lekë/litri, ndërsa i shitjes me shumicë jo më shumë se 198 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 176 lekë/litri,ndërsa i shitjes me shumicë jo më shumë se 164 lekë/litër.
Çmimet e caktuara nga Bordi do të hynë në fuqi sot datë 17 ora 16.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes”,- thuhet në njoftim.
