Basir Çollaku/ Masa ndaj Berishës, VKM e lexuar në gjykatë

Pavarësisht shamatës, zhurmës, qindramilionë eurove të paguara, mbështetjes, partnerëve për drejtësinë në Shqipëri, gjasat për një grusht ligj më tepër janë anemi e theksuar. Një reformë e ngjizuar ushqyer e kontrolluar nga Xhorxh Soros, nuk mund të ishte ndarje nga e shkuara. Prokurorë e gjyqtarë të enverit, hetues diktature, janë kurdisur në çdo karrike drejtimi të institucioneve. Ndaj ata PD dhe opozitën, sidomos Berishën, e trajtojnë si kundërshtar politik. Dhe vendimet e tyre janë VKM të lexuara në një sallë gjyqi. Fatkeqësisht.
Ku kemi ardhur ?!
Trarët çdo 20 kilometër rrugë në veri,Tik-toku, Noc Rroku, hashashi, kokaina, pastrimi parave në miliarda, diaspora me patronazhistë me kanosje vendin e punës për votime me detyrim, xhami të hapur si çdo Erdogani, Sazan të hapur siç e do Kushner, Portin e Durrësit sipas Alabar, qendra emigrantësh apo trafikantësh të dënuar sipas hartës “Meloni”. Drejtësi e bërë synet nga regjimi, ku arrestet e faljet firmosen nga Edvini. Ku turren me burgu për opozitën e turizëm për pozitën.
Kështu ka nisur Shqipëria 2025
Zyrtari me akuzat më të rënda në Shqipëri nga Prokuroria e Posaçme është Erion Veliaj kryetari i bashkisë Tiranë
Struktura ka njoftuar me 27 dhjetor 2024 se:
“..nga provat e grumbulluara, është arritur në konkluzionin se ekzistojnë të dhëna konkrete, të cilat lidhen jo vetëm me veprën penale të parashikuar nga neni 260 i Kodit Penal (korrupsioni pasiv),
“Korrupsion aktiv i funksionarëve të lartë shtetërorë ose të zgjedhurve vendorë”
“Pastrimi i produkteve të veprës penale ose veprimtarisë kriminale”
“Refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim”
Asnjë funksionar publik në pushtet, opozitë apo drejtësi e polici nuk ka akuzë të ngjashme sa Veliaj. Bashkiaku është me tre famljarë të tjerë në hetim. Por sërish pas fotos me Soros shpreson se do jetë përditë në zyrë për të kafshuar hetimin me aq sa mundet. Dhe këto nuk kanë fundshpinë për një masë sigurimi. Tjerat janë tallava pa orkestër.
Kanë sjellë gjetje se gjyqtari rikthimit të masës komike paraqitu te hetimi sepse ka mbaruar hetimi është dokërr hini. Ai paska dënuar Sajmir Tahirin. Ata që e njohin çështjen mund të thonë shqeto se thjesht e ka amnistuar. Një histori trafiku ndërkombëtar e kthyer shëmtuar në shpërdorim detyre. Kjo sjellje ndaj opozitës, Berishës, është përfshirje në fushatë elektorale. Në krah të qeverisë. Mëkatet nuk blihen por lahen..