Kryetari i Grupimit Dhjetor ’90, Ajet Ramçaj, ka mbajtur fjalën e tij në takimin e organizuar në selinë e PD-së me ish-Studentë të vitit 1990 dhe FRPD, në prezencën e kryedemokratit Sali Berisha.
Duke bërë një kronologji të ngjarjeve historike që përjetoi Shqipëria si pasojë e Lëvizjes Studentore ’90, Ramçaj theksoi se ky regjim 12 vjeçar duhet rrëzuar dhe duhet përpjekje maksimale që t’i jepet e shtyra e fundit drejt greminës.
Ramçaj: 34 vjet më parë, ne si studentë të atëherëshëm, nisëm atë që historia sot e njeh si ‘Lëvizja Studentore e Dhjetorit ‘90’. Ishim pak ditën e parë si kjo datë, u bëmë më shumë ditën e dytë, akoma më shumë ditën e tretë dhe ditën e katër lëvizja studentore u kthye në lëvizje popullore e mbështetur nga e gjithë qytetaria e Tiranës. Fryëmëzimi jonë për ta bërë atë lëvizje vinte dhe nga lëvizjet e mëparshme spontane në disa qytete si në Kavajë dhe Shkodër, këtu në Tiranë për rrëzimin e bustit të Stalinit por edhe nga ajo që kishim mbetur vendi i fundit në Europën Lindore që nuk kishim rrëzuar sistemin.
Një vit përpara nesh në datë 25 dhjetor, rumunët i kishin dhënë fund diktaturës komuniste duke i dhënë atë që meritonte Çausheskutr. Ne nuk arritëm të bënim atë që bënë rumunët por megjithatë Lëvizja Studentore i dha frutet e veta, krijimin e Partisë Demokratike.
Mesazhi që kam për ju të rinjtë e sotshëm, ne jemi 34 vjet larg si kohë moshore por më bëhet qejfi që frymëzoheni nga idealet e studentëve të dhjetor ’90, duhen të frymëzohen edhe shqiptarët, e ka thënë edhe Doktori që të përpiqemi që të frymëzojmë edhe më shumë shqiptarët.
Ky regjim 12 vjeçar duhet rrëzuar por po su përpoqëm ne që t’i japim të shtyrën e fundit drejt greminës dhe t’ja japim me gjithë forcën.
