Greqia po përjeton rrezikun më serioz të zjarreve në pyje në dy dekada dhe liqeni më i madh i kripës në Serbi është tharë.
Një javë tjetër pret me temperatura të larta nëpër Evropë.
Një valë e re e të nxehtit është përhapur në Evropën Jugore dhe Lindore.
Në pjesë të mëdha të kontinentit priten temperatura të larta mbi 40 gradë dhe autoritetet lokale tani kanë lëshuar paralajmërime për mbinxehje, zjarre dhe thatësirë.
Në disa vende të Ballkanit, temperaturat e ditës janë 7 gradë mbi normën sezonale.
Komisioni Evropian tani ka dërguar gjashtë helikopterë dhe tre avionë zjarrfikës për të luftuar zjarret në pyje që tërbojnë në Maqedoninë e Veriut dhe Bullgarinë .
Në Serbi, liqeni i kripës Rusanda në provincën veriore të Vojvodinës, i cili përmban argjilë medicinale, u tha për herë të parë ndonjëherë, thanë vendasit.
Në Greqi, disa turistë janë zhdukur duke ecur, më pas kanë rënë të fikët dhe kanë vdekur nga dehidratimi.
Në fillim të qershorit, pikërisht kjo i ndodhi profilit të televizionit britanik, Michael Mosely, i cili u zhduk në ishullin grek të Symit. Ai u gjet i vdekur disa ditë më vonë , ndoshta si pasojë e goditjes nga nxehtësia.
Në Greqi, ata tani kanë mbyllur gjithashtu disa atraksione turistike të njohura, si Akropoli, dhe kanë ndaluar disa forma të punës në natyrë, si dërgesat dhe punët në ndërtim.
Autoritetet kombëtare kanë lëshuar gjithashtu paralajmërime për rrezikun më të lartë të zjarreve serioze në pyje në mbi 20 vjet .
Eksperti:
Suedezët nuk do të udhëtojnë në Mesdhe
Sipas Michael Tjernström, profesor i meteorologjisë, kjo nxehtësi nuk është as diçka e re dhe as diçka që do të largohet.
Përkundrazi, ai beson se në 10 deri në 15 vitet e ardhshme do të shohim një ndryshim në sjelljen turistike ku suedezët do të ndalojnë udhëtimet në Mesdhe në të ardhmen.
– Janë ata që jetojnë atje që do të shkojnë në Suedi dhe në vendet nordike për t’i shpëtuar vapës dhe thatësirës së tmerrshme në Evropë, thotë ai për SVT
Solli në shqip: Urim Gjata
