Skena e repit të Virxhinias po mban zi për humbjen e reperit 17-vjeçar Rylo Huncho, i cili vdiq tragjikisht nga një e shtënë aksidentale teksa regjistronte një video për TikTok në shtëpinë e tij.
Reperi i ri, emri i vërtetë i të cilit nuk bëhet i ditur, ka qëlluar për vdekje me armë zjarri veten në kokë gjatë xhirimeve të videos.
Kjo ngjarje e rëndë ka lënë në pikëllim të thellë familjen, miqtë dhe fansat e tij.
Rylo Huncho, një reper amerikan, vdiq javën e kaluar në një mënyrë tragjike pasi qëlloi veten në kokë teksa ishte duke realizuar një video live, sipas mediave amerikane
video, e cila është postuar në disa rrjete sociale, muzikanti 17-vjeçar ishte duke filmuar në Tik-Tok kur ndodhi ngjarja fatale.
Adoleshenti luan me një armë dhe në një moment i çaktivizon sigurinë, e drejton në kokë dhe një lazer jeshil e shënjon. Papritur dëgjohet një e shtënë dhe kamera i shpëton nga duart teksa përfundon video.
Reperi 17-vjeçar u gjet i vdekur në Suffolk, Virxhinia, SHBA më 15 maj, konfirmoi policia. Autoritetet thanë se ai vdiq nga një “plagë aksidentale me armë zjarri”. Policia nuk e ka konfirmuar emrin e djalit të vdekur.
Megjithatë, një ditë pas vdekjes së Rylo Huncho, një faqe GoFundMe u krijua për të ndihmuar në mbulimin e shpenzimeve të funeralit dhe për të ofruar mbështetje për familjen e tij.
Deri më tani ai ka marrë tashmë 85 donacione që arrijnë në më shumë se 2,500 dollarë, nga objektivi prej 15,000 dollarësh i vendosur nga familja e tij.
