Bislim Ahmetaj/ Me Dom Gjergj Metën, Shqipëria duket më e mirë !

Prej vitesh kam dashtë me u takue dhe me shkëmbye mendime me Dom Gjergj Metën, Ipeshkvin e Dioqezës së Mirditës. Dashti Zoti dhe u takuam në një ditë të shenjtë, bash në  pelegrinazhin  që Klubi i Poezisë që udhëhiqet prej Rexhep Shahut dhe Izet Durakut i mbështetur nga deputeti demokrat Flamur Hoxha mbrriti në qytetin e Rrëshenit. Dhe pse erdhëm në Mirditë do më  pyeste ndonjëri prej miqve të mi?!?
Pikërisht për të  nderuar sakrificën, qëndresën, krenarinë, sfidën dhe  vuajtjet që përjetoj në këtë cep të Atdheut shkrimtarja, politikania dhe veprimtarja e shquar shqiptare Musine Kokolari.
Kjo një traditë e krijuar e Klubit të Poezisë për të nderuar të gjithë shkrimtarët e martirizuar nga diktatura komuniste.
Dita ishte vërtetë e mbushur me surpriza dhe emocione, por mbresat që la tek unë takimi me  Dom Gjergj Metën ishin pikërisht ato që kisha projektuar dhe përceptuar nga distanca për këtë njeri të ditur, të thjeshtë, të shqetësuar dhe të jashtëzakonshëm .
Duke u ndarë me të mendova dhe urova: Sikur ti kishim edhe disa “barinjë” fetar  të gjitha fetë si Gjergj Meta punët e Atdheut dhe tonat do të shkonin shumë herë më mirë…