Me shumë rëndësi dhe me mjaft pikëpyetje do të jetë sesioni plenar i mbledhjes së dy Qeverive Kosovë – Shqipëri.
Nga renditja në planin e marrëveshjeve midis qeverive shqiptare andej e këndej kufirit e mendoj mjaft të rëndësishme sidomos për ato ekonomike apo dhe strategjike midis qeverive, në drejtim të hapjes…midis Shqipërive.
Ajo që e bën të çalojë që në fillim është se mungon mbi tavolinën e firmave marrveshja për “hapjen e Ballkanit…” në Rrugen e Kombit dhe heqjen e klonit të koncesionare, apo traut të pagesave, kyçur në mënyrë të njëanshme nga vetë ballkan-hapësi Rama.
Ky po që do të ishte një hap i parë qoftë dhe simbolik, përveçse jetik, si për reciprocitetin ashtu dhe seriozitetin në hullinë e hapjes…shqiptare.
Duke qënë se kjo nuk ka ndodhur, së paku, sipas rendit të ditës, skepticizmi i gjithë radarëve mediatikë shqiptar se gjendemi midis spektaklit karakteristik rilindas, mbetet legjitim.
Por do t’u rekomandoja gjithë shqiptarëve që Konferenca per shtyp e dy kryeministrave e njoftuar në orën 12.45 nuk duhet neglizhuar.
Kjo për disa arsye.
Së pari për arsye të dy gjuhëve politike. Shqiptarët do të dallojnë lehtësisht fjalorin e saktë etikisht, dhe preciz politikisht të Kurtit, nga nga “diareja” prolikse butaforike pa bisht pa krye të kryeministrit tjetër.
Së dyti lidhur me fjalën e Kurtit nuk do të ketë kushedi çfarë për të zbuluar.
Mbasi është e ditur se vektori i qendrimit të Beogradit e Lavrovit rus, me interesat europiane të shqiptarve mbarë dhe të paturbulluara asnjëherë ato të Prishtinës nuk përkojnë prej kohësh.
Së treti do tu sugjeroja shqiptarve te mençëm të përqendrohen tek mullari demagogjik i fjalimit të kryeministrit tjetër. Dhe të kerkojnë me durim në kashten e tij “gjilpanen” e busullës.
Të vezhgojmë e çmojmë pa turbullime emocionale nga cili magnet rreh gjilpana e tij;
…nga kërkesa kategorike e kancelarit gjerman me 10 Qershor në Beograd për njohjen e Kosovës si kusht i hyrjes së Serbisë në BE, që pasonte të njejten kërkesë të mëparshme të Presidentit Bajden, apo nga magneti i Moskes shprehur me gjuhen po aq te çeruar të Lavrovit.
Kaq e thjeshtë për të verejtur vektorin e Moskes së Lanës vetëm në një fjalim. Qoftë ky dhe proliks ose kashtë, popullorçe.
