Projekti i “Durrës Yacht & Marina” që përkon me zhvillimin e një porti jahtesh, ngritjen e 13 mijë apartamenteve dhe hoteleve që do të zhvillohet në truallin e portit aktual të Durrësit po çon drejt pezullimit të aktiviteteve ekonomike të shumë operatorëve që përpunojnë mallrat në këtë port, por edhe të qindra qytetarëve durrsake të punësuar në këtë port.
Prej orëve të para të mëngjesit të ditës së sotme në mënyrë të befasishme, pa asnjë komunikim zyrtar është bllokuar hyrja për kompaninë koncensionare gjermane EMS APO që përpunon anijet e mallrave rifuxho në terminalin Lindor të Portit të Durrësit.
Shkak i ndërhyrjes është për t’i hapur rrugë zhvillimit të projektit të Durrës Yahts Marina, ku për fazën e parë të ndërtimit të godinave me apartamente, sipas drejtueseve të kompanisë koncesionare EMS APO do të shfrytëzohet 90% e hapësirës së terminalit lindor ku operon kompania gjermane.
Menaxheri tregtar i koncensionarit Florian Cimo tha për Monitor se bllokimi i hyrjes për në terminalin Lindor ku operon kompania koncensionare gjermane është kryer pa asnjë komunikim të mëparshëm zyrtar.
“Ems Albanian Port Operator Shpk ushtron aktivitetin e saj në bazë të Kontratës Konçesionare të lidhur midis Ems Shipping & Trading GmbH me seli në gjermani dhe Ministrisë së Punëve Publike dhe Transportit (sot Ministria e Infrastrukturës dhe e Energjisë e drejtuar nga Balluku) më datë 6.5.2013 për Menaxhimin dhe Operimin e Terminalit Lindor të Portit të Durrësit me një afat vlefshmërie prej 35 vitesh. (Shiko hartën e zonës së koncesionit dhe tabelën e aseteve fizike të marra në dorëzim).
Sot, më datë 29.7.2023, në ora 07:00 u konstatua hyrja pa autorizim nga operatori koncesionare të forcës së sigurisë portuale, e drejtuar nga Drejtori Ekzekutiv i saj Pirro Vengu dhe subjekti privat “Elmazaj Shpk” duke zaptuar një pjesë të terminalit e cila ndodhet në zonën koncesionare dhe për të cilën nuk ka një marrëveshje për këtë qëllim.
Subjekti EMS-APO ka depozituar denoncime si në SPAK për drejtorin e Autoritetit Portual për veprime të njëjta të ndodhura edhe më parë, por edhe në Policinë e Shtetit. Nga ndërhyrja dhe vendosja e barrierave prej betoni, është penguar aksesi në zyrat e administratës dhe aktiviteti i peshimit të kamionëve i cili është një hallkë e zinxhirit të shërbimeve që ofrohen nga operatori koncesionare EMS-APO. Subjekti po kryen ndërhyrje me mjete teknologjike duke vendosur kufizime prej betoni në zonën e koncesionit (shiko hartën dhe listën e aseteve të marra në dorëzim nga koncesionari)”, pohoi ai.
Edhe më herët në një intervistë për Monitor, Ceo i kompanisë koncesionari EMS EPO Manfred Mueller tha se qeveria shqiptare njoftoi transformimin e Portit të Durrësit në një port argëtimi pa u dhënë informacion të saktë dhe një grafik të qartë për ndërtimin e portit të ri publik në Porto Romano, si një vend alternativ për aktivitetin e Fehn-Group/EMS APO. Mueller pohoi se marrëveshja për “Durrës Yachts Marina” bie në kundërshtim pasi ka mbivendosje me kontratën koncesionare të EMS-Fehn-Group. https://www.monitor.al/mueller-i-ems-shteti-shkeli-kontraten-dyshime-se-projekti-shteteror-ne-porto-romano-do-behet-ndonjehere/
Drejtuesit e kompanisë shtuan se institucionet shqiptare kanë penguar qëllimisht aktivitetin e tyre që në vitin 2020, kur nisën trajtimin preferencial për operatorin privat në Porto Romano, për të vijuar më pas zënien e hapësirës së portit të Durrësit për projektin e Marinës. https://www.monitor.al/fatura-40-milione-euro-per-arbitrazhin-ne-portin-e-durresit-kompania-u-demtuam-qellimisht/
Kompania gjermane EMS APO që përpunon anijet e mallrave rifuxho në Durrës më herët ka depozituar çështjen në Arbitrazh ku ka kërkuar dëmshpërblim prej 40 mln euro për trajtim të pabarabartë dhe diskriminues të kontratës koncesionare.
Objekti i kontratës koncesionare është menaxhimi, operimi dhe mirëmbajtja e Terminalit Lindor në Portin e Durrësit. Shteti shqiptar dhe EMS-Fehn-Group (d.m.th. EMS Shipping & Trading GmbH) kanë lidhur kontratën koncesionare në maj të vitit 2013. Kontrata shtrihet për një periudhë 35-vjeçare nga viti 2013 deri në vitin 2048. EMS-Fehn-Group themeloi Operatorin Portual Shqiptar EMS Shpk. (EMS APO) si njësi operacionale në Durrës. Kontrata i jep EMS-Fehn-Group/EMS APO të drejtën për të përpunuar ngarkesat rifuxho, ngarkesat e përgjithshme dhe ngarkesat projektesh në Terminalin Lindor. /D.Azo
Zona e koncesionit me hartë të marrë në dorezim me kontratë: kont konc dhe prot i dorezimit
Monitor.al
