1.Largimi nga vlerat njerëzore të disa politikanëve në vite, intelektualëve apo punonjësve në administratën publike në Shqipëri, ka bërë që të bjerë interesimi i diasporës për organizim, kontribute apo përfaqësim real në vendimarrje politike dhe ekonomike.
2.Keqtrajtimet që iu bëhen shqiptarëve që jetojnë jashtë Shqipërisë në vazhdimësi,por sidomos gjatë kohës së pushimeve, si me rastin e nxjerrjes së dokumenteve të udhëtimit, duke i detyruar t’i kalojnë pushimet pranë sporteleve, dëshmon mospërfilljen e qeveritarëve ndaj këtyre njerzëve që punojnë e kontribojnë për familjen, shoqërinë dhe vendin.
3. Me gjithë vështirësitë e shumta të jetës larg atdheut, shpirtin tonë po e trazon edhe gjendja e krijuar në trojet shqiptare, ku janë krijue dy shtresa sociale, ajo e të pasuruarve dhe e të varfëruarve të skajshëm.
4. Në botën e të pasuruarve janë rreshtuar edhe shumë nga patriotët e djeshëm dhe politikanët e sotëm të cilët pasurinë e tyre e kanë jo me punë e mund ,por me përfitime të pushtetit apo qendrimeve dhe suporteve pro qeveritare.
5.Në botën e të varfërve janë radhitur pjesa dërmuese e popullit, patriot të shumtë dhe me vlera akademike, veprimtarë të shumtë të çështjes kombëtare, arsimtarë ,intelektualë, pensionistë ,njerëz në nevojë e me probleme shendetësore.
6.Padrejtësitë e politikës shqiptare po reflektohen sot edhe në diasporë, ku klubet dhe shoqatate ndryshme, që deri dje ishin simbol i unifikimit janë shndërruar në vende ku bëhet ndarja e shqiptarëve në përkatësi partiake dhe ideologjike.
7.Një fjalë e urtë thotë “Kush nuk di me qeverisë është uzurpator”, por një thënje tjetër thotë se “Çdo vend e ka qeverinë dhe politikanët që meriton”.
8.Prandaj sot si kurrë më parë është koha që të largohemi nga e keqja që na ka mbërthyer,ti japim shpresë vendit,kombit me vlera atdhetare ,përfaqësuese ,denjitoze ,të moralshme e të pakorruptuara.
9.Të investojmë në angazhimin e shtresës intelektuale dhe atdhetare, që të dalin në krye të qeverisjes së shtetit, sepse vetëm në këtë mënyrë qytetarit do t’i kthehet dinjiteti i dikurshëm dhe i munguar në këto vite.
10.Reagimi jonë si qytetar të lirë dhe të pavarur ,nuk është asnjëherë vonë,por është shpresë për rininë ,ekonominë, luftën kundër krimit e korrupsionit, për një të ardhme të sigurtë e të dëshiruar për çdo shiptar kudo që jeton e punon.
