Kështu është shprehur midis të tjerave kryeministri Edi Rama, mbrëmjen e djeshme teksa ka patur një takim falënderues me specialistë të mjekësisë.
Ai teksa solli një rast nga përvoja e tij me luhatjet e tensionit ju drejtua Prof.Dr Artanit (Goda), duke i shprehur mirënjohje për kurimin e tij magjik.
Kam dashur t’ju kap në gabim, se unë bëjë ekzaminime paralele, në klinikat jashtë dhe te ju…, tha Rama
Nga fjala e tij:
“Mirënjohje të veçantë meriton dhe Shërbimi i Kardiologjisë në QSUT. Kam kënaqësinë t’i jap një nga këto mirënjohje profesor Artanit. Po zbuloj dhe një sekret. Në një moment të caktuar të jetës i besova profesor Artanit sepse fillova të shoh lëkundjet e tensionit. E falenderoj me vete shpesh sepse ma ka stabilizuar tensionin në mënyrë perfekte. Kjo është vetëm një nga faktet e mia të fshehura në lidhje me shërbimin shëndetësor.
E them këtë për të gjithë ata që dyshojnë se mjekët tanë mund t’u japin shërbimin dhe ekspertizën më të mirë. Padyshim që mund ta japin. E vërteta është se ndonjëherë kam tentuar t’i kap dhe në gabim duke bërë një kontroll paralel kur kam pasur mundësi jashtë shtetit. E provova këtë gjë nja dy herë. Më doli e njëjta gjë që thoshin këta këtu dhe vendosa të rri me këta këtu. Faleminderit profesor!”
