Ngjarja e rëndë ka kondudhur në Kukës, ku një 82-vjeçar ka ndërruar jetë pasi banesa e tij është përfshirë nga flakët.
Sipas policisë, ngjarja ka ndodhur rreth orës 02:40 në afërsi të liqenit të Kukësit, ndërsa dyshohet se zjarri është shkaktuar pasi i moshuari kishte lënë sobën e drurit ndezur gjatë natës.
Njoftimi:
“Më datë 28.10.2022, rreth orës 02:40, në afërsi të liqenit të Kukësit, ka rënë zjarr në një godinë dhe për pasojë ka ndërruar jetë shtetasi Sh. K., 82 vjeç, i cili banonte në këtë godinë”, bën me dije policia.
Grupi hetimor ndodhet në vendngjarje dhe nën drejtimin e Prokurorisë po kryen të gjitha veprimet proceduriale për sqarimin e plotë të rrethanave të ngjarjes.
