Kreu i Partisë Demokratike, Sali Berisha ka akuzuar sot sërish kryeministrin Edi Rama dhe sekretarin i Përgjithshëm të Kryeministrisë, Engjëll Agaçi se kanë dorë drejtpërdrejtë me aferën e inceneratorëve.
Berisha pohoi se vetëm në 24 orë u pregatitën dhe miratuan 17 vendime, sa i takon çështjes së inceneratorëve.
“Sot dua të denoncoj dhe një herë me forcën më të madhe parodinë që po ndodh me aferën e inceneratorëve. Ju e patë, njeriu absolutisht më përgjegjës për këtë aferë 420 mln hyri dhe doli serbes sikur të ishte në një kafene te skapi i partisë. Qytetarët duhet ta dinë se paratë, taksat e tyre u dhanë pikërisht nga firma e kundraligjshme e Ramës dhe Agaçit. Engjëll Agaçi, taksapaguesit shqiptarë e paguajnë vetëm e vetëm që t’i thotë kryeministrit dhe Këshillit të Ministrave se vendimet që ata firmosin përputhen apo nuk përputhen me ligjin.
Engjëll Agaçi megjithëse Enti i Specializuar i Prokurimeve i drejtuar nga Eduard Ahmeti, i bëri shkresë se procedura e prokurimit është e paligjshme, është prokurim me negociatë të mbyllur, ai e radhiti aktin për të dhënë fondet për këtë prokurim të paligjshëm, i cili në rast se Agaçi bllokonte fondet, shndërrohej në një letër pa vlerë. Kërkon të lajë duart si Pilati dhe thotë se tenderi e shpalli ministri. Kurse ky me vetëdije të plotë se procedura e tenderit ishte në kundërshtim me ligjin, pas Edi Ramës, fuirmosën disbursimin e parave vetëm se ata ndanin para me valixhe në këtë aferë monstroze.
Agaçi dhe vetëm Agaçi mund të realizojnë 17 procedura në 24 orë. Përveç Agaçit mund ta bënte kryeministri i vendit, askush tjetër në administratë. Nuk ka fuqinë ekzekutime askush tjetër për të urdhëruar të gjitha Agjencitë që me emergjencë brenda 24 orëve të dorëzojnë 17 akte për procesin e kontraktimit të një kompanie që nuk plotësonte asnjë kusht. Disbursuan shuma disa milionëshe një kompanie të sapokrijuar që nuk plotësonte asnjë kriter ligjor për të qenë e tillë. Kriteri i vetëm që plotësonte ishte se ishte një kompani falso e Ramës, Agaçit, Arben Ahmetajt dhe Erion Veliajt. Qytetaret presin të ngrihen dhe shumë shpejt po u prijë protestave të fuqishme. Nuk mund të tallen më me djersën dhe mundin e shqiptarëve. Ajo që ndodh ime Engjëll Agaçin ishte një parodi tallëse e partisë me qytetarët shqiptarë. Denoncoj dhe them se përgjegjës absolutë dhe të parët për aferën e djegësve janë vetëm 2. Edi Rama dhe Agaçi. Agaçi dhe Rama që firmos për xhepat e tij fap fap fap dhe paf paf paf. Që firmos ato që i stis Agaçi për të mbushur valixhet me euro.”, tha Berisha.
