Ministri i Brendshëm Bledi Çuçi, shkruan në rrjetet sociale, se kemi nisur një bashkëpunim me #AlpinPolizei të Austrisë, për të trajnuar #FNSH në alpet tona, në mënyrë që edhe Shqipëria të ketë një strukturë të posaçme e të specializuar për zonat alpine.
Postimi i plotë:
📍Vjenë – Takimi me homologun tim austriak Gerhard Karner, me të cilin diskutuam çështje të bashkëpunimit dypalësh në fushën policore, luftën kundër krimit të organizuar, terrorizmit, sulmeve kibernetike dhe emigracionit të paligjshëm. Për këtë të fundit, ministri Karner vlerësoi Shqipërinë për masat e ndërmarra si një vend tranzit në bllokimin e flukseve migratore të paligjshme nga vendet e Afrikës apo Lindjes së Mesme drejt Europës. Kemi nisur një bashkëpunim me #AlpinPolizei të Austrisë, për të trajnuar #FNSH në alpet tona, në mënyrë që edhe Shqipëria të ketë një strukturë të posaçme e të specializuar për zonat alpine. Historikisht Austria ka qenë një vend mik për Shqipërinë dhe mbështetës i palëkundur prej momenteve të para të krijimit të shtetit shqiptar e deri më sot teksa jemi në rrugën e pakthyeshme të anëtarësimit në #BE. 🇦🇱🤝🇦🇹
