Thuhet se çdo komb ka qeverinë që meriton, por ne fatkeqësisht po kemi edhe opozitën që meritojmë.
Jo atë të bashkuarën, atë soliden apo frymëzuesen që gozhdon mazhorancën përballë politikave të gabuara, por atë të përçarën, konfuzen dhe të paqartën e cila akoma e mban të gjysëm të fikur dritën e vizionit për të nesërmen.
Heroi ynë kombëtar Skënderbeu, dikur për të fituar luftën mblodhi pranë vetes princat shqiparë dhe për t’i ilustruar rrugën drejt fitores i tregoi si shembull një thupër e cila e vetme mund të thyej, por ama JO kur ishte e bashkuar me të tjerat. Po opozitën tonë kush do ta bashkojë përballë një kundërshtari i cili akuzat i ka shndërruar në karamele që i kapërdin sikur të mos kenë asnjë kosto për jetët e qyteatrëve?
Dosjet happn dhe mbyllen, skandalet ikin e vijnë prapë, politikanët ndërrojnë veç xhaketat, ndërsa gomonet mbushen e zbrazen njëra pas tjetrës brigjeve të europës, duke zbarkuar rini, energji dhe ëndrra.
E sakaq kjo gomonia jonë e politikës që vijon të fusi ujë majtas dhe djathtas, mbetet e pa lëvizur ku secili e konsideron veten drejtues me busull të çakorduara nga inate personale që s’të çojnë kërkund.
-Por edhe sa do të vijojë kjo klimë ku qeveria do të bëjë ç’të dojë pa ndjerë në këmbë as gjembat e opozitës dhe as ato të drejtësisë?
-Edhe sa kohë do të vijojë grupi “Alibeaj” dhe grupi “Berisha” të qëndrojnë të ndarë?
-Çfarë nuk shkon mes kreut të PD-së Sali Berisha dhe Ilir Metës të rikthyer në krye të Partisë së Lirisë me premtimin se do sjellë revolucionin e protestave?
-A po shkon opozita drejt kurthit që i ka ngritur mazhoranca për ta parë mes rrjetave të dosjeve, pykave mes vetit dhe relativizimit të së keqes?
-Edhe sa kohë shqiptarët nuk do ta vijojnë ta gjejnë veten mes dilemës të rime apo të ikim?
-Kush është qëllimi real i SPAK-ut?
Opozita ka shumë për të bërë ashtu si edhe ne sot kemi shumë për të folur, bashkërisht,
qartë dhe pastër,
këtu në Now, në Euronews Albania.
