Kreu i Policisë së Shtetit Muhamet Rrumbullaku ka paturnjë takim prezantues sot me oficerët ndërlidhës dhe përfaqësuesit e misioneve dhe programeve që asistojnë Policinë e Shtetit në përmbushjen e detyrave funksionale të saj.
Në një deklaratë të gjatë të tij, ai u shpreh për një sërë problematikash, objektivash, por edhe vizionin e tij për të përmirësuar punën në këtë strukturë të rëndësishme të shtetit.
Ajo çfarë ra më tepër në sy në fjalën e tij ishte pikërisht “zhveshja e vetes” nga kompetencat e emërimeve në strukturat e Policisë së Shtetit.
Nga fjala e tij:
“Brenda pak ditëve, në Policinë e Shtetit do të konstituohen këshillat e shqyrtimit të propozimeve për emërimin në detyrë dhe ecurinë në karrierë të çdo punonjësi policie, praktikë kjo që do t’i japë fund vendimmarrjes së deritanishme që ishte atribut vetëm i Drejtorit të Përgjithshëm të Policisë së Shtetit, për të emëruar punonjës të Policisë në detyrë në të gjitha nivelet”, u shpreh ai.
