Rusia vendosi që “Nord Stream 1” të ndalojë furnizimin me gaz në të gjithë Europën, derisa kjo e fundit të vendosë heqjen e sanksioneve kundër Moskës, sanksione të vendosura pas sulmit të saj ushtarak në Ukrainë.
“Arsyeja e vetme e ndërprerjes së furnizimit janë vendosja e sanksioneve, këtë e themi që të informojmë popujt e Europës, për të parë se shkaku i mosfurnizimit të kontinentit me gaz janë qeveritë e tyre, të drejtuara dhe të urdhëruara nga BE-ja” – deklaroi zëdhënësi i qeverisë ruse.
“Gazprom, monopoli shtetëror i Rusisë, deklaroi ditën e premte, para 4 ditësh pra, që do të ndërmerrte këtë hap edhe për ‘Nord Stream 1’, por qeveritë e Europës e injoruan këtë paralajmërim tonin” – vazhdoi deklaratën e tij përfaqësuesi i qeverisë ruse.
Rusia furnizon tani me gaz vetëm mes rrjetit të gazit të periudhës sovjetike Ukrainën, rrjet që mbetet i hapur, si dhe rrjeti tjetër i hapur është rrjeti ‘South Stream’ që kalon mes Turqisë.
Nga ana tjetër Medvedev, zv kryetar i Këshillit të Sigurisë Kombëtare, deklaroi publikisht se Gjermania është tashmë armiku kryesor i Rusisë dhe iu drejtua Europës duke thënë: “Kur plaku gjerman vendosi të ndërmarrë sanksione, duhet t’i kishte bërë llogaritë që do të kishte edhe këtë problemin “e vogël” të furnizimit me gaz”.
Tani Evropa është përballë trysnisë ruse dhe duhet të gjejë zgjidhje me rrugë alternative për sigurimin e energjisë në prag dimri.
