Një aksident i rëndë ka ndodhur në Hungari, ku një makinë është përplasur nga treni dhe si pasojë humbën jetën shtatë persona. Aksidenti fatal ka ndodhur në periferi të qytetit Kunfeherto, afër kufirit me Serbinë.
Shoferi dhe gjashtë persona të tjerë në mjetin fatal kanë mbetur të vdekur.
Drejtuesi i trenit u dërgua në spital me lëndime të lehta, ndërsa asnjë nga pasagjerët e trenit nuk u lëndua.
Sipas policisë hungareze, një automjet tentoi të kalonte një vendkalim të pambrojtur rreth orës 7 të mëngjesit (me kohën lokale) dhe u përfshi nga një tren që kalonte.
Në këtë vendkalim nuk ka trarë ndalues, vetëm një shenjë paralajmëruese.
