Nuk e kuptoj se për çfarë e këshillon Tony Blair, KM-në tonë? A e këshillon për 800 e kusur shqiptarët që kalojnë ngushticën La Manche, apo për 22,000 shqiptarë që hyjnë në Mbretërinë e Bashkuar në vit?
Nëse qeveria e Mbretërisë së Bashkuar ka ndonjë plan për rekrutimin dhe punësimin e djemve shqiptarë do ishte më mirë ta bënin publike dhe të shkonin në rrugë të rregullt dhe jo të rrezikojnë.
Për çfarë tjetër, pyes veten, mund ta këshillojë ish Kryeministri i Mbretërisë së Bashkuar, Kryeminstrin e Shqipërisë?
Për nivelin e varfërisë, për tenderat me ofertë të pakërkuar, për Durrësin, për Porto Romanon, për Skavicën, për Vlorën, për Butrintin, për Teatrin, për naftën, për bordin e mos-transparencës, për arsimin falas dhe check-upin, ndoshta për bujqësinë ose edhe borxhin e jashtëm që i ka kaluar tre shifrat, çfarë ka mbetur pa u falur, zhvatur dhe shkatërruar?
Po vetë Tony Blair, ish Kryeministër që është ulur në një karrige si Winston Churchill, a nuk e kupton që është në konflikt të pastër interesi, që “këshillon”, Kryeministrin më të korruptuar të Europës?
A nuk është në konflikt interesi kur mediat angleze shkruajnë përditë për valën e emigrantëve nga vendi pa luftë por më i varfër në Europë?
Fatkeqësisht gjithë bota është bërë pis nga lëvizja globaliste e grupeve majtiste dhe pseudove të tjerë….
