Në këtë 23 Gusht si dita e vuajtjes, sakrificës, torturave, vrasjeve e internimeve nga dora gjakatare e diktaturës komuniste, familja jonë kujton birin tonë Ndue Gjon Progni i vdekur në moshën 7 vjeçare në kampin e internimit famëkeq të Tepelenës në vitin 1951( i biri i ushtarakut e Oficerit te Lartë të Mbretit Zog, intelektualit, poetit, patriotit e atdhetarit Gjon Progni i vdekur ne Bruksel 1973), i cili nuk ka një varr sot për ti vendosur nje lule.
Po ashtu një homazh për rreth 400 fëmijë të vdekur të pafajshëm në kampin e internimit në Tepelenës nga mungesa e ushqimit dhe sëmundjet si dhe për gjithë viktimat e komunizmit por edhe dite e shënuar botëror e viktimave të regjimeve totalitare.
Nuk ka sherim të plagëve të shqiptarëve të vuajtur nga diktatura dhe qetësimin shpirtëror te viktimave pa u ndëshkuar e dënuar krimet e kriminelët e komunizmit, dekomunistizimin, deklasifikimin e dosjeve të sigurimit te shtetit dhe bashkëpunëtorëve tyre dhe lustracionin e plotë.
POSHTE KOMUNIZMI!
Mirënjohje përjetë e kujtim i paharruar për viktimat e komunizmit!
