{"id":22152,"date":"2022-10-03T17:22:26","date_gmt":"2022-10-03T17:22:26","guid":{"rendered":"https:\/\/neutrale.al\/?p=22152"},"modified":"2022-10-03T17:22:26","modified_gmt":"2022-10-03T17:22:26","slug":"200-vip-at-e-vitit-2021-rreziqet-pas-rimekembjes-se-shpejte","status":"publish","type":"post","link":"https:\/\/neutrale.al\/index.php\/2022\/10\/03\/200-vip-at-e-vitit-2021-rreziqet-pas-rimekembjes-se-shpejte\/","title":{"rendered":"200 VIP-at e vitit 2021. Rreziqet pas rim\u00ebk\u00ebmbjes s\u00eb shpejt\u00eb"},"content":{"rendered":"

Renditja e kompanive m\u00eb t\u00eb m\u00ebdha n\u00eb vend, sipas t\u00eb ardhurave, \u201cMonitor 200\u201d, p\u00ebr vitin 2021. Pas vitit pandemik, pothuajse t\u00eb gjitha sip\u00ebrmarrjet pan\u00eb rritje t\u00eb shpejt\u00eb, duke tejkaluar edhe nivelet e parapandemis\u00eb. Nd\u00ebrtimi, sektori i lidhur me sh\u00ebndet\u00ebsin\u00eb dhe tregtimi i energjis\u00eb, sh\u00ebnuan zgjerimin m\u00eb t\u00eb lart\u00eb. Por, p\u00ebrmir\u00ebsimi i shpejt\u00eb, nuk i fsheh dot dob\u00ebsit\u00eb strukturore t\u00eb ekonomis\u00eb. Teksa nd\u00ebrtimi po lul\u00ebzon, ekonomis\u00eb po i afrohet kriza e v\u00ebrtet\u00eb e munges\u00ebs s\u00eb fuqis\u00eb pun\u00ebtore dhe emigracionit. Inflacioni i lart\u00eb dhe kriza energjetike u shtohen v\u00ebshtir\u00ebsive q\u00eb po kalojn\u00eb sip\u00ebrmarrjet n\u00eb vitin 2022. Nd\u00ebrsa k\u00ebrkesa dhe oferta do ta rregullojn\u00eb vet\u00eb ekuilibrin e \u00e7mimeve, emigracioni po shkakton zhbalancime m\u00eb t\u00eb thella, q\u00eb do t\u00eb duan dekada t\u00eb riparohen<\/p>\n

Ekonomia vendase ka nj\u00eb aft\u00ebsi t\u00eb lart\u00eb vet\u00ebsh\u00ebruese. Faktor\u00ebt jan\u00eb t\u00eb shumt\u00eb, disa pozitiv\u00eb e t\u00eb tjer\u00eb, jo dhe aq. Bizneset, t\u00eb m\u00ebsuara me v\u00ebshtir\u00ebsi, p\u00ebrshtaten shpejt ndaj rrethanave t\u00eb reja e t\u00eb v\u00ebshtira. Menaxhimi, kryesisht familjar, e b\u00ebn m\u00eb t\u00eb shpejt\u00eb vendimmarrjen.<\/p>\n

N\u00eb kahun tjet\u00ebr q\u00ebndron informaliteti, q\u00eb shpesh \u00ebsht\u00eb avantazhi kryesor konkurrues i shum\u00eb bizneseve. Paraja informale \u00ebsht\u00eb nj\u00eb tjet\u00ebr burim q\u00eb fryn ekonomin\u00eb (sidomos n\u00eb vitin e pandemis\u00eb), duke u kanalizuar kryesisht n\u00eb nd\u00ebrtim dhe pasurit\u00eb e paluajtshme.<\/p>\n

K\u00ebt\u00eb elasticitet, t\u00eb form\u00ebsuar nga nj\u00eb tranzicion i v\u00ebshtir\u00eb, vendi e tregoi gjat\u00eb dhe pas pandemis\u00eb. Ekonomia u rim\u00ebk\u00ebmb me shpejt\u00ebsi n\u00eb vitin 2021, pas nj\u00eb tkurrjeje shum\u00eb m\u00eb t\u00eb ul\u00ebt sesa pritej n\u00eb 2020-n, n\u00eb -3.5% nga rreth -8% q\u00eb ishin parashikimet e institucioneve nd\u00ebrkomb\u00ebtare.<\/p>\n

Nivelet e parapandemis\u00eb u tejkaluan q\u00eb n\u00eb tremujorin e kat\u00ebrt t\u00eb vitit 2020, t\u00eb ndihmuara nga performanca e mir\u00eb e nd\u00ebrtimit e pasurive t\u00eb paluajtshme, q\u00eb amortizuan r\u00ebnien e konsumit t\u00eb ndikuar nga kufizimet e pandemis\u00eb.<\/p>\n

N\u00eb vitin 2021, rim\u00ebk\u00ebmbja ishte e shpejt\u00eb, me rritje dyshifrore n\u00eb t\u00eb gjith\u00eb sektor\u00ebt.<\/p>\n

N\u00eb t\u00eb nj\u00ebjt\u00ebn linj\u00eb edhe bizneset arrit\u00ebn me leht\u00ebsi, madje dhe tejkaluan nivelet e parapandemis\u00eb n\u00eb treguesit e performanc\u00ebs s\u00eb vitit 2021.<\/p>\n

Xhiro e 200 kompanive m\u00eb t\u00eb m\u00ebdha n\u00eb vend n\u00eb vitin 2021 n\u00eb renditjen e p\u00ebrvitshme t\u00eb \u201cMonitor 200\u201d ishte 1.23 trilion\u00eb lek\u00eb (10.2 miliard\u00eb euro), me nj\u00eb rritje prej 21 % n\u00eb raport me 200 m\u00eb t\u00eb m\u00ebdhenjt\u00eb n\u00eb vitin 2020, por dhe 17 % m\u00eb shum\u00eb se n\u00eb 2019-n.<\/p>\n

Por sh\u00ebrimi mbetet vet\u00ebm sip\u00ebrfaq\u00ebsor. Kura p\u00ebr sh\u00ebndetin afatgjat\u00eb nuk \u00ebsht\u00eb gjetur ende.<\/p>\n

P\u00ebrkundrazi, s\u00ebmundjet e brendshme, q\u00eb e kan\u00eb zanafill\u00ebn nga modeli ekonomik i paq\u00ebndruesh\u00ebm, i cili ka prodhuar mjedis jokonkurrues, n\u00eb shum\u00eb raste favorizues p\u00ebr nj\u00eb pakic\u00eb, pak investime n\u00eb teknologji e orientim nga importi, munges\u00eb t\u00eb investimeve t\u00eb huaja cil\u00ebsore dhe vler\u00eb t\u00eb shtuar t\u00eb ul\u00ebta e pagat m\u00eb minimale n\u00eb Europ\u00eb, po dalin n\u00eb sip\u00ebrfaqe.<\/p>\n

Emigracioni, q\u00eb \u00ebsht\u00eb rikthyer me ritme t\u00eb larta, n\u00eb nj\u00eb form\u00eb t\u00eb heshtur proteste ndaj k\u00ebtij mjedisi, \u00ebsht\u00eb nj\u00eb prej tyre. Si asnj\u00ebher\u00eb tjet\u00ebr, k\u00ebt\u00eb vit, sip\u00ebrmarrjet po ankohen p\u00ebr munges\u00eb t\u00eb fuqis\u00eb pun\u00ebtore, t\u00eb kualifikuar e t\u00eb pakualifikuar, si dhe frenimin e konsumit nga reduktimi i popullsis\u00eb (kryesisht ikja e t\u00eb rinjve).<\/p>\n

\u00a0<\/p>\n

Rreziqet e v\u00ebrteta<\/p>\n

S\u00ebmundjet e brendshme, q\u00eb e kan\u00eb zanafill\u00ebn nga modeli ekonomik i paq\u00ebndruesh\u00ebm, i cili ka prodhuar mjedis jokonkurrues, n\u00eb shum\u00eb raste favorizues p\u00ebr nj\u00eb pakic\u00eb, pak investime n\u00eb teknologji e orientim nga importi, munges\u00eb t\u00eb investimeve t\u00eb huaja cil\u00ebsore dhe vler\u00eb t\u00eb shtuar t\u00eb ul\u00ebta e pagat m\u00eb minimale n\u00eb Europ\u00eb, po dalin n\u00eb sip\u00ebrfaqe. Emigracioni, q\u00eb \u00ebsht\u00eb rikthyer me ritme t\u00eb larta, n\u00eb nj\u00eb form\u00eb t\u00eb heshtur proteste ndaj k\u00ebtij mjedisi, \u00ebsht\u00eb nj\u00eb prej tyre. Si asnj\u00ebher\u00eb tjet\u00ebr, k\u00ebt\u00eb vit, sip\u00ebrmarrjet po ankohen p\u00ebr munges\u00eb t\u00eb fuqis\u00eb pun\u00ebtore, t\u00eb kualifikuar e t\u00eb pakualifikuar, si dhe frenimin e konsumit nga reduktimi i popullsis\u00eb (kryesisht ikja e t\u00eb rinjve).<\/p>\n

\u00a0<\/p>\n

Qeveria, me indiferenc\u00ebn e vet ndaj k\u00ebtij fenomeni, nuk po ndihmon aspak. Gjat\u00eb k\u00ebtyre viteve, bizneset m\u00eb t\u00eb promovuara jan\u00eb koncesionar\u00eb me t\u00eb ardhura dhe fitime t\u00eb garantuara dhe shpesh abuzuese (incenerator\u00ebt, sterilizimi etj., jan\u00eb tashm\u00eb n\u00eb hetim nga SPAK).<\/p>\n

Me vet\u00ebdije \u00ebsht\u00eb nxitur sektori i nd\u00ebrtimit, q\u00eb jo vet\u00ebm nuk sjell rritje t\u00eb q\u00ebndrueshme, por n\u00eb p\u00ebrmasat q\u00eb po merr, rrezikon dhe nj\u00eb fllusk\u00eb n\u00eb t\u00eb ardhmen, me pasoja t\u00eb r\u00ebnda zinxhir n\u00eb ekonomi.<\/p>\n

K\u00ebtyre u shtohen dhe mjedisi aspak i favorsh\u00ebm i jasht\u00ebm, me presione t\u00eb larta inflacioniste, q\u00eb amplifikon pasojat n\u00eb nj\u00eb ekonomi t\u00eb varur nga importi si e jona. Por, nd\u00ebrsa k\u00ebrkesa dhe oferta do ta rregullojn\u00eb vet\u00eb ekuilibrin e \u00e7mimeve, emigracioni po shkakton zhbalancime m\u00eb t\u00eb thella, q\u00eb do t\u00eb duan dekada t\u00eb riparohen.<\/p>\n

Nuk ndihmon as situata e v\u00ebshtir\u00eb energjetike, e cila po dikton rritjen e \u00e7mimeve p\u00ebr konsumator\u00ebt, nd\u00ebrsa bizneset n\u00eb tensionin e mes\u00ebm po e blejn\u00eb energjin\u00eb n\u00eb tregun e lir\u00eb q\u00eb prej fillimit t\u00eb vitit 2022.<\/p>\n

Edhe n\u00eb vitin 2021, n\u00eb renditjen e 200 m\u00eb t\u00eb m\u00ebdhave, mbizot\u00ebrojn\u00eb sip\u00ebrmarrjet tregtuese e shp\u00ebrndar\u00ebse, q\u00eb kanalizojn\u00eb importet pran\u00eb konsumatorit lokal. Ato vet\u00ebm faturojn\u00eb e rrisin artificialisht xhiron e ekonomis\u00eb dhe kan\u00eb nj\u00eb norm\u00eb fitimi tep\u00ebr t\u00eb ul\u00ebt.<\/p>\n

Vet\u00ebm nj\u00eb duzin\u00eb kompanish kan\u00eb aktivitet n\u00eb industrin\u00eb p\u00ebrpunuese. Eksportuesit po vuajn\u00eb r\u00ebnien e Euros, q\u00eb u ka ulur t\u00eb ardhurat n\u00eb monedh\u00ebn vendase. Sip\u00ebrmarrjet e tregtimit t\u00eb karburanteve, me shumic\u00eb e pakic\u00eb, mbizot\u00ebrojn\u00eb n\u00eb renditjen e \u201cMonitor 200\u201d, duke z\u00ebn\u00eb rreth 14% t\u00eb totalit t\u00eb m\u00eb t\u00eb m\u00ebdhave.<\/p>\n

Distributor\u00ebt, q\u00eb n\u00eb pjes\u00ebn m\u00eb t\u00eb madhe financojn\u00eb importin, s\u00ebrish z\u00ebn\u00eb nj\u00eb vend kryesor. Shum\u00eb sip\u00ebrmarrje t\u00eb tjera kan\u00eb thjesht aktivitet tregtar. Nd\u00ebrtimi po vazhdon rritjen dhe nuk dihet ku do t\u00eb ndal\u00eb.<\/p>\n

Renditja e m\u00eb t\u00eb m\u00ebdhenjve, n\u00eb fakt, reflekton modelin e nj\u00eb ekonomie \u201cparazitare\u201d, t\u00eb mb\u00ebshtetur te tregtia dhe me pak vler\u00eb t\u00eb shtuar, ndryshe nga fqinj\u00ebt q\u00eb e kan\u00eb ekonomin\u00eb e tyre m\u00eb shum\u00eb t\u00eb bazuar te prodhimi, si Bosnja dhe Hercegovina, Maqedonia e Veriut dhe Serbia.<\/p>\n

Industrit\u00eb prodhuese, apo ato inovative, nuk kan\u00eb arritur t\u00eb gjejn\u00eb rrug\u00ebn p\u00ebr t\u00eb dal\u00eb n\u00eb krye. N\u00eb Shqip\u00ebri, gati 50% e investimeve totale t\u00eb brendshme n\u00eb vend, n\u00eb vitin 2020, shkoi p\u00ebr banesa, nga 25% q\u00eb \u00ebsht\u00eb ky tregues p\u00ebr mesataren e Bashkimit Europian, sipas statistikave t\u00eb Eurostat. Kjo pesh\u00eb \u00ebsht\u00eb m\u00eb se dy her\u00eb m\u00eb shum\u00eb sesa n\u00eb shtetet e tjera t\u00eb rajonit, q\u00eb jan\u00eb n\u00eb faza t\u00eb nj\u00ebjta zhvillimi me ne.<\/p>\n

Rritja ishte e shpejt\u00eb p\u00ebr t\u00eb gjith\u00eb sektor\u00ebt n\u00eb vitin 2021, e udh\u00ebhequr nga nd\u00ebrtimi, mjek\u00ebsia dhe tregtimi i energjis\u00eb. Sektori i nd\u00ebrtimit po vijon ciklin zgjerues t\u00eb nisur pak vite m\u00eb par\u00eb, duke u kthyer n\u00eb nj\u00eb kontribuues t\u00eb r\u00ebnd\u00ebsish\u00ebm t\u00eb rritjes ekonomike.<\/p>\n

Ka debate t\u00eb shumta lidhur me modelin q\u00eb po merr zhvillimi i vendit, i varur s\u00ebrish nga ky sektor pa vler\u00eb t\u00eb shtuar t\u00eb lart\u00eb, q\u00eb po kanalizon nj\u00eb pjes\u00eb t\u00eb paras\u00eb informale dhe mbi t\u00eb gjitha, q\u00eb mund t\u00eb rrezikoj\u00eb nj\u00eb shfryrje t\u00eb fllusk\u00ebs n\u00eb t\u00eb ardhmen.<\/p>\n

Nga 26 hyrje t\u00eb kompanive t\u00eb reja n\u00eb list\u00ebn e \u201cMonitor 200\u201d, 35.% e tyre ishin nga sektori i nd\u00ebrtimit. Nj\u00eb ecuri pozitive \u00ebsht\u00eb orientimi i nj\u00eb pjese t\u00eb kompanive n\u00eb turiz\u00ebm, ku krahas fshatrave turistike, po ngrihen edhe struktura hoteliere me 5 yje, t\u00eb nxitura nga statusi i investitorit strategjik.<\/p>\n

Sektori i mjek\u00ebsis\u00eb vijoi me rritjen e fort\u00eb dyshifrore i ndikuar nga pandemia, q\u00eb n\u00eb gjysm\u00ebn e par\u00eb t\u00eb vitit 2021 arriti n\u00eb kulmin e saj. Mungesa e besimit te sistemi sh\u00ebndet\u00ebsor publik rriti xhiron e spitaleve private, por rekordin e arrit\u00ebn laborator\u00ebt mjek\u00ebsor\u00eb, q\u00eb kan\u00eb realizuar mij\u00ebra teste PCR (edhe p\u00ebr shkak t\u00eb kushtit p\u00ebr udh\u00ebtime jasht\u00eb) e analiza t\u00eb tjera.<\/p>\n

Tregtimi i energjis\u00eb \u00ebsht\u00eb segmenti tjet\u00ebr q\u00eb po josh bizneset, p\u00ebr shkak t\u00eb nivelit t\u00eb ul\u00ebt t\u00eb investimit fillestar dhe qarkullimit t\u00eb shpejt\u00eb t\u00eb paras\u00eb. Rritja e tij u nxit dhe nga nevoja p\u00ebr m\u00eb shum\u00eb importe n\u00eb gjysm\u00ebn e dyt\u00eb t\u00eb vitit 2021 p\u00ebr shkak t\u00eb situat\u00ebs s\u00eb v\u00ebshtir\u00eb hidrike.<\/p>\n

Nga 200 sip\u00ebrmarrjet m\u00eb t\u00eb m\u00ebdha, sipas qarkullimit vjetor, 94% e tyre raportuan rritje t\u00eb xhiros. P\u00ebr 77% t\u00eb sip\u00ebrmarrjeve t\u00eb renditura n\u00eb \u201cMonitor 200\u201d, zgjerimi ishte dyshifror. 82.% e kompanive kishin t\u00eb ardhura m\u00eb t\u00eb larta edhe se n\u00eb vitin 2019.<\/p>\n

Vet\u00ebm 6% e kompanive deklaruan r\u00ebnie t\u00eb t\u00eb ardhurave n\u00eb 2021, n\u00eb raport me vitin e m\u00ebparsh\u00ebm. Shoq\u00ebrit\u00eb e lidhura me nd\u00ebrtimin e gazsjell\u00ebsit TAP, q\u00eb p\u00ebr disa vite me radh\u00eb ishin n\u00eb list\u00ebn e m\u00eb t\u00eb m\u00ebdhave, kan\u00eb dal\u00eb fare nga lista n\u00eb 2021.<\/p>\n

Pjesa m\u00eb e madhe e tyre jan\u00eb mbyllur tashm\u00eb, pasi projekti m\u00eb i madh n\u00eb historin\u00eb e vendit, me nj\u00eb investim prej 1.5 miliard\u00eb lek\u00ebsh, ka p\u00ebrfunduar, duke e l\u00ebn\u00eb gazin t\u00eb kaloj\u00eb n\u00eb n\u00ebntok\u00ebn e vendit, por pa nj\u00eb shpres\u00eb afatshkurt\u00ebr q\u00eb ai t\u00eb p\u00ebrdoret n\u00eb sip\u00ebrfaqen e ekonomis\u00eb.<\/p>\n

Kufiri i qarkullimit vjetor i subjekteve q\u00eb kan\u00eb hyr\u00eb tek 200 m\u00eb t\u00eb m\u00ebdhenjt\u00eb, \u00ebsht\u00eb rreth 1.9 miliard\u00eb lek\u00eb, nga 1.6 miliard\u00eb lek\u00eb vitin e m\u00ebparsh\u00ebm.
\n\u201cMonitor 200\u201d ka hartuar, si \u00e7do vit, renditjen e 200 sip\u00ebrmarrjeve m\u00eb t\u00eb m\u00ebdha n\u00eb vend, sipas t\u00eb ardhurave, bazuar n\u00eb list\u00ebn me emra nga Tatimet dhe xhirove t\u00eb deklaruara nga subjektet, n\u00eb bilancet e dor\u00ebzuara n\u00eb Qendr\u00ebn Komb\u00ebtare t\u00eb Biznesit (QKB) dhe t\u00eb dh\u00ebnave nga vet\u00eb kompanit\u00eb, t\u00eb cilat nuk e kan\u00eb dor\u00ebzuar ende bilancin n\u00eb QKB. N\u00eb num\u00ebr mbizot\u00ebrojn\u00eb subjektet me aktivitet n\u00eb fush\u00ebn e tregtis\u00eb, t\u00eb ndjekura nga nd\u00ebrtimi, financa, nafta, industria p\u00ebrpunuese.<\/p>\n

\u00a010 KOMPANIT\u00cb M\u00cb T\u00cb M\u00cbDHA N\u00cb VEND<\/p>\n

1.\u201cOSHEE Group\u201d<\/p>\n

Nga viti 2020,\u00a0Operatori i Shp\u00ebrndarjes s\u00eb Energjis\u00eb Elektrike (OSHEE), kompania m\u00eb e madhe n\u00eb vend, n\u00eb pron\u00ebsi publike, u shnd\u00ebrrua n\u00eb Korporat\u00ebn e par\u00eb Publike Shqiptare, duke pasur n\u00eb pron\u00ebsi 3 shoq\u00ebri, Furnizuesin e Sh\u00ebrbimit Universal, Furnizuesin e Tregut t\u00eb Lir\u00eb dhe Operatorin e Sistemit t\u00eb Shp\u00ebrndarjes (OSSH). T\u00eb tria kompanin\u00eb kan\u00eb filluar t\u00eb operojn\u00eb si t\u00eb ve\u00e7anta nga 1 janari 2020, pas ndarjes s\u00eb funksioneve. T\u00eb tria shoq\u00ebrit\u00eb figurojn\u00eb n\u00eb list\u00ebn e 10 m\u00eb t\u00eb m\u00ebdhave sipas qarkullimit vjetor, por xhiro e tyre \u00ebsht\u00eb e dubluar p\u00ebr shkak t\u00eb veprimeve me nj\u00ebra-tjetr\u00ebn.<\/p>\n

Sipas t\u00eb dh\u00ebnave zyrtare t\u00eb \u201cOSHEE Group\u201d, qarkullimi vjetor i t\u00eb tria kompanive, duke netuar vlerat e t\u00eb ardhurave nga aktiviteti i shoq\u00ebrive brenda grupit ishte 64.2 miliard\u00eb lek\u00eb n\u00eb vitin 2021, duke u renditur n\u00eb sip\u00ebrmarrjen m\u00eb t\u00eb madhe n\u00eb vend, me rritje rreth 7% n\u00eb raport me vitin e m\u00ebparsh\u00ebm. P\u00ebr shkak t\u00eb situat\u00ebs s\u00eb v\u00ebshtir\u00eb energjetike n\u00eb pjes\u00ebn e dyt\u00eb t\u00eb vitit 2021, grupi ka deklaruar humbje prej 13 miliard\u00eb lek\u00ebsh, nga -2.5 miliard\u00eb lek\u00eb n\u00eb 2020-n.<\/p>\n

\u201cTreguesit kryesor\u00eb t\u00eb vitit 2021 u realizuan brenda objektivave, madje n\u00eb disa jan\u00eb tejkaluar. K\u00ebtu nuk kam parasysh vet\u00ebm z\u00ebrat baz\u00eb Humbjet & Ark\u00ebtime, por edhe rezultatet n\u00eb fush\u00ebn e menaxhimit t\u00eb strukturave, miratimi i tarifave t\u00eb sh\u00ebrbimit p\u00ebr shoq\u00ebrit\u00eb OSSH \u2013 FSHU, n\u00eb kuad\u00ebr t\u00eb ndarjes dhe funksionimit t\u00eb grupit, n\u00ebnshkrimi i marr\u00ebveshjeve financiare me partner\u00eb nd\u00ebrkomb\u00ebtar\u00eb si BERZH dhe KfW, etj.\u201d, pohon z.Adrian \u00c7ela, administrator i OSHEE Group.
\n\u201cSa i takon bilancit, rritja e jasht\u00ebzakonshme e \u00e7mimit t\u00eb energjis\u00eb n\u00eb Tregun e Lir\u00eb n\u00eb 6-mujorin e II-t\u00eb t\u00eb vitit 2021 p\u00ebrkeq\u00ebsoi performanc\u00ebn e OSHEE Group Sh.Aduke kaluar nga nj\u00eb fitim neto prej rreth 2.5 miliard\u00eb lek\u00eb n\u00eb gjasht\u00ebmujorin e I-r\u00eb n\u00eb nj\u00eb humbje neto prej rreth 13.2 miliard\u00eb lek\u00eb\u201d, shton ai.<\/p>\n

\u00a0.\u201cKastrati Group\u201d<\/p>\n

Kompania m\u00eb e madhe e importit dhe tregtimit t\u00eb naft\u00ebs me shumic\u00eb,\u00a0\u201cKastrati Group\u201d, \u00ebsht\u00eb renditur s\u00ebrish e dyta n\u00eb vend dhe m\u00eb e madhja me kapital privat, n\u00eb list\u00ebn e \u201cMonitor 200\u201d. Kompania raportoi 61.2 miliard\u00eb lek\u00eb qarkullim vjetor, me nj\u00eb rritje prej 39%.<\/p>\n

Zgjerimi i fort\u00eb erdhi pas tkurrjes me 28.4% vitin e m\u00ebparsh\u00ebm, si rrjedhoj\u00eb e frenimit t\u00eb konsumit t\u00eb karburantit gjat\u00eb muajve t\u00eb karantin\u00ebs dhe r\u00ebnies s\u00eb \u00e7mimit t\u00eb tij n\u00eb vend. N\u00eb vitin 2021, situata ndryshoi krejt\u00ebsisht, teksa si konsumi, ashtu edhe \u00e7mimet, u rrit\u00ebn. Vitet e fundit, grupi \u201cKastrati\u201d \u00ebsht\u00eb diversifikuar edhe n\u00eb nd\u00ebrtim e hoteleri, si dhe me nj\u00eb seri projektesh n\u00eb infrastruktur\u00eb (port, aeroport e autostrada).<\/p>\n

“Kurum International\u201d<\/p>\n

\u201cKurum International\u201d, me aktivitet n\u00eb prodhimin, tregtimin e \u00e7eliqeve t\u00eb nd\u00ebrtimit e profileve t\u00eb tjera t\u00eb hekurit dhe energji u rikuperua me shpejt\u00ebsi n\u00eb vitin 2021, pas stanjacionit n\u00eb 2020-n, si rrjedhoj\u00eb e pandemis\u00eb, duke u ngjitur n\u00eb vendin e tret\u00eb, nga i kat\u00ebrti q\u00eb ishte vitin e m\u00ebparsh\u00ebm.<\/p>\n

N\u00eb vitin 2021, qarkullimi vjetor arriti n\u00eb 41.8 miliard\u00eb lek\u00eb, me zgjerim 76%, i ndihmuar si nga rikuperimi i fort\u00eb i k\u00ebrkes\u00ebs, ashtu edhe nga rritja e \u00e7mimeve n\u00eb tregjet nd\u00ebrkomb\u00ebtare.<\/p>\n

N\u00eb vitin 2022, kompania po vuan pasojat e shtrenjtimit t\u00eb energjis\u00eb. Arif Shkalla, drejtor ekonomik i \u201cKurum International thot\u00eb se rritja e \u00e7mimeve t\u00eb l\u00ebnd\u00ebve t\u00eb para n\u00eb 6-mujorin e par\u00eb ndikoi nga nj\u00ebra an\u00eb, pozitivisht, n\u00eb rritjen e t\u00eb ardhurave t\u00eb kompanis\u00eb, sidomos n\u00eb t\u00eb ardhurat nga prodhimi dhe shitja e energjis\u00eb elektrike.
\nNga ana tjet\u00ebr, sidomos n\u00eb tremujorin e dyt\u00eb dhe t\u00eb tret\u00eb, \u00e7mimet e larta t\u00eb energjis\u00eb, v\u00ebshtir\u00ebsuan raportin kosto-\u00e7mim n\u00eb fabrik\u00ebn e \u00e7elikut, duke sjell\u00eb nd\u00ebrprerje t\u00eb p\u00ebrkohshme t\u00eb pun\u00ebs n\u00eb k\u00ebt\u00eb fabrik\u00eb, n\u00eb muajin gusht 2022.<\/p>\n

Por, kjo \u00ebsht\u00eb kompensuar nga rritja e t\u00eb ardhurave nga shitja e energjis\u00eb dhe nuk priten probleme me likuiditetin. Shoq\u00ebria ka zbatuar me sukses planin e ri t\u00eb organizimit p\u00ebr shlyerjen e kredive, edhe p\u00ebr vitin 2021.<\/p>\n

\u201cGega Oil Group\u201d<\/p>\n

\u201cGega Oil Group\u201d (ish-\u201cGenklaudis SH.A.\u201d)\u00a0u rendit n\u00eb vitin 2020, si operatori i dyt\u00eb m\u00eb i madh i naft\u00ebs n\u00eb vend, pas \u201cKastrati Group\u201d p\u00ebr t\u00eb kat\u00ebrtin vit radhazi. Kompania ka deklaruar nj\u00eb qarkullim vjetor prej rreth 36 miliard\u00eb lek\u00ebsh, me rritje me 63% me baz\u00eb vjetore, e ndikuar nga p\u00ebrmir\u00ebsimi i konsumit dhe rritja e \u00e7mimeve t\u00eb naft\u00ebs e derivativave t\u00eb saj.<\/p>\n

N\u00eb raportin e veprimtaris\u00eb theksohet se Shoq\u00ebria ka kryer investime n\u00eb zon\u00ebn energjetike n\u00eb Porto Romano n\u00eb Durr\u00ebs dhe ka shtuar kapacitetin depozitues ekzistues p\u00ebr produktet q\u00eb tregton.<\/p>\n

N\u00eb renditjen e k\u00ebtij viti t\u00eb \u201cMonitor 200\u201d, \u201cGega Oil Group\u201d u ngjit nga vendi i pest\u00eb n\u00eb t\u00eb kat\u00ebrtin.<\/p>\n

\u201cBanka Komb\u00ebtare Tregtare\u201d<\/p>\n

\u201cBanka Komb\u00ebtare Tregtare\u201d (BKT), banka m\u00eb e madhe n\u00eb vend, \u00ebsht\u00eb renditur e pesta n\u00eb dhjet\u00eb sip\u00ebrmarrjet m\u00eb t\u00eb m\u00ebdha n\u00eb vend, sipas qarkullimit vjetor. T\u00eb ardhurat u rrit\u00ebn me 8%, n\u00eb 24.4 miliard\u00eb lek\u00eb, sipas burimeve zyrtare nga banka.<\/p>\n

\u201cBKT e mbylli vitin 2021 me nj\u00eb total aktivesh prej 5.2 miliard\u00eb USD, 4.2 miliard\u00eb USD n\u00eb depozita dhe 1.3 miliard\u00eb USD n\u00eb kredi. Fitimi neto, rekord, prej 95 milion\u00eb USD (2020: 75 milion\u00eb USD) korrespondon me pothuajse gjysm\u00ebn e fitimit t\u00eb sistemit bankar. Ashtu si edhe n\u00eb vitin 2020, ne presim q\u00eb t\u00eb jemi institucioni m\u00eb i madh taksapagues n\u00eb vend p\u00ebr vitin financiar 2021\u201d, pohon .Z. Seyhan Pencabligil \u2013 Drejtor i P\u00ebrgjithsh\u00ebm dhe An\u00ebtar Bordi i Bank\u00ebs Komb\u00ebtare Tregtare.<\/p>\n

\u201cBankers Petroleum\u201d<\/p>\n

\u201cBankers Petroleum\u201d, prodhuesi kryesor i naft\u00ebs, q\u00eb ka me koncesion fush\u00ebn naft\u00ebmbajt\u00ebse m\u00eb t\u00eb madhe mbi tok\u00eb n\u00eb Europ\u00eb, Patos-Marinz\u00ebn, raportoi t\u00eb ardhura rreth 22.3 miliard\u00eb lek\u00eb, me rritje prej 50% me baz\u00eb vjetore, sipas burimeve t\u00eb saj zyrtare (bilanci n\u00eb QKB nuk \u00ebsht\u00eb dor\u00ebzuar ende).<\/p>\n

Kompania u rikuperua me shpejt\u00ebsi, pas p\u00ebrgjysmimit t\u00eb t\u00eb ardhurave n\u00eb 2020-n, si rrjedhoj\u00eb e pandemis\u00eb dhe mbylljes s\u00eb p\u00ebrkohshme t\u00eb aktivitetit p\u00ebr disa jav\u00eb n\u00eb momentin e fillimit t\u00eb karantin\u00ebs.<\/p>\n

\u201cN\u00eb vitin 2021, prodhimi i naft\u00ebs ishte 610,000 ton\u00eb krahasuar me 670,000 ton\u00eb t\u00eb prodhuar n\u00eb vitin 2020. Prodhimi p\u00ebsoi r\u00ebnie t\u00eb leht\u00eb, p\u00ebr shkak t\u00eb sfidave me t\u00eb cilat ne u p\u00ebrball\u00ebm n\u00eb vitin 2020, kur u detyruam t\u00eb reduktonim n\u00eb minimum operimet n\u00eb Patos-Marin\u00ebz.<\/p>\n

Pavar\u00ebsisht rritjes s\u00eb \u00e7mimit t\u00eb naft\u00ebs, situata financiare nuk na lejoi t\u2019i riktheheshim shpimit t\u00eb puseve t\u00eb reja t\u00eb naft\u00ebs dhe k\u00ebshtu t\u00eb rrisnim m\u00eb tej prodhimin\u201d, pohon CEO i Bankers Petroleum Albania, Huanqin Xiao. Por, ai shton se Bankers ia arriti t\u2019i kaloj\u00eb ata muaj dhe vite t\u00eb v\u00ebshtir\u00eb, mbajti t\u00eb gjith\u00eb punonj\u00ebsit n\u00eb pun\u00eb, n\u00eb nj\u00eb koh\u00eb kur shum\u00eb kompani nd\u00ebrkomb\u00ebtare t\u00eb naft\u00ebs falimentuan.<\/p>\n

GSA<\/p>\n

GSA,\u00a0me aktivitet n\u00eb tregtimin e energjis\u00eb dhe t\u00eb ferrokromit ka hyr\u00eb p\u00ebr her\u00eb t\u00eb par\u00eb n\u00eb list\u00ebn e 10 m\u00eb t\u00eb m\u00ebdhave t\u00eb \u201cMonitor 200\u201d. T\u00eb ardhurat e kompanis\u00eb pothuajse u trefishuan n\u00eb 22 miliard\u00eb lek\u00eb. Sipas t\u00eb dh\u00ebnave n\u00eb bilanc, t\u00eb ardhurat nga shitja e energjis\u00eb m\u00eb se u dyfishuan (nga 6 n\u00eb 13.7 miliard\u00eb lek\u00eb). Rritje t\u00eb ndjeshme sh\u00ebnuan edhe t\u00eb ardhurat nga shitja e ferrokromit (nga 1.5 n\u00eb 8 miliard\u00eb lek\u00eb).<\/p>\n

\u00a0<\/p>\n

8.\u201cBig Market\u201d<\/p>\n

\u201cBig Market\u201d,\u00a0zinxhiri m\u00eb i madh i supermarketeve n\u00eb vend, p\u00ebr her\u00eb t\u00eb tret\u00eb \u00ebsht\u00eb klasifikuar nd\u00ebr 10 m\u00eb t\u00eb m\u00ebdhat\u00eb, sipas qarkullimit vjetor t\u00eb konsoliduar p\u00ebr t\u00eb gjith\u00eb rrjetin. T\u00eb ardhurat e kompanis\u00eb, sipas t\u00eb dh\u00ebnave zyrtare, ishin 21.1 miliard\u00eb lek\u00eb, me nj\u00eb rritje prej 10% n\u00eb krahasim me vitin e kaluar.<\/p>\n

\u00a0<\/p>\n

9.\u201cINFO-Telecom\u201d<\/p>\n

\u201cINFO-Telecom\u201d,\u00a0q\u00eb ofron sh\u00ebrbime transit nd\u00ebrkomb\u00ebtare telefonike dhe mesazhesh, raportoi t\u00eb ardhura prej 20 miliard\u00eb lek\u00ebsh, me nj\u00eb zgjerim prej 40% n\u00eb krahasim me vitin e m\u00ebparsh\u00ebm. (nga t\u00eb ardhurat \u00ebsht\u00eb zbritur autofaturimi.<\/p>\n

N\u00eb total, vlera e t\u00eb ardhurave, e deklaruar n\u00eb bilanc, \u00ebsht\u00eb 36 miliard\u00eb lek\u00eb). Marin Gjonaj, president i \u201cGjonaj Group\u201d, pjes\u00eb e s\u00eb cil\u00ebs \u00ebsht\u00eb dhe \u201cINFO-Telecom\u201d pohon se trendi aktual, n\u00eb aktivitetin e shumic\u00ebs n\u00eb tregjet e telekomunikacioneve, \u00ebsht\u00eb lul\u00ebzimi i SMS-ve autorizuese dhe kod-konfirmuese.<\/p>\n

\u201cN\u00eb 7 vitet e fundit \u00ebsht\u00eb zhdukur pjesa tradicionale e telefonatave dhe ka nj\u00eb orientim drejt mesazheve konfirmuese nga aplikacionet, nga bankat e korporatat dhe gjithashtu, edhe nga qeverit\u00eb.<\/p>\n

Kjo m\u00ebnyr\u00eb preferohet, pasi pal\u00ebt d\u00ebrguese duan t\u00eb sigurohen q\u00eb mesazhi \u00ebsht\u00eb d\u00ebrguar n\u00eb form\u00eb tradicionale. Zhvendosja n\u00eb k\u00ebt\u00eb drejtim, jo vet\u00ebm q\u00eb ka z\u00ebvend\u00ebsuar pjes\u00ebn e tregut q\u00eb vinte nga telefonatat, por edhe e ka tejkaluar. N\u00eb terma financiar\u00eb mund t\u00eb them se 30% e fitimeve t\u00eb \u2018INFO-Telecom\u2019 vijn\u00eb nga SMS p\u00ebr vitin 2021\u201d.<\/p>\n

KESH<\/p>\n

\u201cKorporata Elektroenergjetike Shqiptare (Sh.a. KESH)\u201d\u00a0ka hyr\u00eb n\u00eb list\u00ebn e 10 m\u00eb t\u00eb m\u00ebdhave, pasi ka realizuar nj\u00eb qarkullim vjetor prej 18.5 miliard\u00eb lek\u00ebsh, me nj\u00eb rritje 66% me baz\u00eb vjetore. Ergys Verdho, Administrator i Korporat\u00ebs Elektroenergjetike Shqiptare pohon se viti 2021 ishte pozitiv p\u00ebr sa u p\u00ebrket t\u00eb ardhurave t\u00eb shoq\u00ebris\u00eb, ku vet\u00ebm nga eksporti\/shitja e energjis\u00eb n\u00eb tregun e rregulluar\/parregulluar arriti vler\u00ebn e 18.9 mld lek\u00eb, dhe ku rezultati financiar neto p\u00ebr periudh\u00ebn n\u00eb fjal\u00eb rezultoi n\u00eb vler\u00ebn e 7.21 mld lek\u00eb.<\/p>\n

Por, ecuria e treguesve t\u00eb prodhimit, importit\/blerjes dhe situata financiare nuk rezultoi optimiste gjat\u00eb 6-mujorit t\u00eb par\u00eb t\u00eb vitit 2022. Si pasoj\u00eb e situat\u00ebs jo t\u00eb favorshme hidrike, prodhimi p\u00ebr k\u00ebt\u00eb periudh\u00eb ra me 28% pak krahasuar me mesataren e prodhimit shum\u00ebvje\u00e7ar p\u00ebr t\u00eb nj\u00ebjt\u00ebn periudh\u00eb.<\/p>\n

Kostot p\u00ebr blerjen\/importin e 752,306 MWh arrit\u00ebn vler\u00ebn e 173,1 Mln. Eur, ose 20.6 Mld. Lek dhe me nj\u00eb \u00e7mim mesatar t\u00eb ponderuar prej 230 Eur\/MWh.<\/p>\n

V\u00ebmendja te burimet njer\u00ebzore (q\u00eb po ikin)<\/p>\n

Kapitali njer\u00ebzor po b\u00ebhet gjithnj\u00eb e m\u00eb i r\u00ebnd\u00ebsish\u00ebm p\u00ebr sip\u00ebrmarrjet e m\u00ebdha. V\u00ebmendja e shtuar \u00ebsht\u00eb e dukshme n\u00eb raportet e aktivitetit t\u00eb publikuar nga shumica e VIP-ave, ku vihet theksi te trajtimi i burimeve njer\u00ebzore, trajnimi, shp\u00ebrblimi, motivimi etj. Kompanit\u00eb deklarojn\u00eb se po investojn\u00eb vazhdimisht n\u00eb trajtimin dhe kualifikimin e punonj\u00ebsve.<\/p>\n

Vala e re e emigracionit, k\u00ebt\u00eb her\u00eb, po p\u00ebrfshin krahas t\u00eb tjera, edhe forc\u00ebn e kualifikuar t\u00eb fuqis\u00eb pun\u00ebtore, duke v\u00ebn\u00eb n\u00eb v\u00ebshtir\u00ebsi sip\u00ebrmarrjet p\u00ebr gjetjen e stafit. \u201cKy aspekt \u00ebsht\u00eb nj\u00eb sfid\u00eb, sepse v\u00ebrehet tendenc\u00eb p\u00ebr largim jasht\u00eb Shqip\u00ebris\u00eb, kryesisht nga rinia, dhe kjo nuk \u00ebsht\u00eb gj\u00eb e mir\u00eb\u201d, thot\u00eb CEO i \u201cAgna Group\u201d, z. Vasil Na\u00e7i.<\/p>\n

Disa kompani theksojn\u00eb n\u00eb raporte se mungesa e fuqis\u00eb pun\u00ebtore po i pengon n\u00eb zgjerimin e aktivitetit dhe nd\u00ebrmarrjen e projekteve t\u00eb reja.<\/p>\n

L\u00ebvizja e shpesht\u00eb e fuqis\u00eb pun\u00ebtore \u00ebsht\u00eb nj\u00eb tjet\u00ebr shqet\u00ebsim. Luan Leka, themelues dhe CEO i EHW GmbH , pohon se \u00ebsht\u00eb e dukshme v\u00ebshtir\u00ebsia p\u00ebr t\u00eb gjetur punonj\u00ebs, si t\u00eb kualifikuar, por edhe t\u00eb pakualifikuar. Gjithashtu turnover i personelit ekzistues \u00ebsht\u00eb i lart\u00eb, aq sa n\u00eb sistemin e shitjeve retail apo t\u00eb supermarketeve arrin n\u00eb 30% n\u00eb harkun e nj\u00eb viti. Ai sugjeron se nd\u00ebrhyrja m\u00eb efikase, detyrimisht, \u00ebsht\u00eb rritja e pagave.<\/p>\n

\u201cFenomeni ka filluar, t\u00eb shohim sa do t\u00eb arrijm\u00eb t\u00eb b\u00ebjm\u00eb p\u00ebr t\u00eb frenuar hemorragjin\u00eb e ikjeve. Duhet t\u00eb jemi t\u00eb nd\u00ebrgjegjsh\u00ebm q\u00eb rritjet e pagave do t\u00eb \u00e7ojn\u00eb n\u00eb rritjen e kostove t\u00eb nd\u00ebrmarrjes dhe p\u00ebr pasoj\u00eb, rritjen e \u00e7mimeve. Shum\u00eb nd\u00ebrmarrje do t\u00eb humbasin aft\u00ebsin\u00eb konkurruese dhe do t\u00eb mbyllen, duke favorizuar importin.<\/p>\n

P\u00ebrball\u00eb k\u00ebtij fenomeni t\u00eb pandalsh\u00ebm do t\u00eb ishte me vler\u00eb nd\u00ebrhyrja e shtetit p\u00ebr uljen e ngarkes\u00ebs fiskale mbi pagat q\u00eb sot kalon 40% t\u00eb pag\u00ebs neto\u201d.<\/p>\n

Monitor.al<\/a><\/p>\n

\"\"<\/p>\n

\"\"<\/p>\n

\"\"<\/p>\n

\"\"<\/p>\n

\u00a0<\/p>\n","protected":false},"excerpt":{"rendered":"

Renditja e kompanive m\u00eb t\u00eb m\u00ebdha n\u00eb vend, sipas t\u00eb ardhurave, \u201cMonitor 200\u201d, p\u00ebr vitin 2021. Pas vitit pandemik, pothuajse t\u00eb gjitha sip\u00ebrmarrjet pan\u00eb rritje t\u00eb shpejt\u00eb, duke tejkaluar edhe nivelet e parapandemis\u00eb. Nd\u00ebrtimi, sektori i lidhur me sh\u00ebndet\u00ebsin\u00eb dhe tregtimi i energjis\u00eb, sh\u00ebnuan zgjerimin m\u00eb t\u00eb lart\u00eb. Por, p\u00ebrmir\u00ebsimi i shpejt\u00eb, nuk i fsheh […]<\/p>\n","protected":false},"author":2,"featured_media":22157,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[10],"tags":[27],"class_list":{"0":"post-22152","1":"post","2":"type-post","3":"status-publish","4":"format-standard","5":"has-post-thumbnail","7":"category-ekonomia","8":"tag-lajme"},"_links":{"self":[{"href":"https:\/\/neutrale.al\/index.php\/wp-json\/wp\/v2\/posts\/22152","targetHints":{"allow":["GET"]}}],"collection":[{"href":"https:\/\/neutrale.al\/index.php\/wp-json\/wp\/v2\/posts"}],"about":[{"href":"https:\/\/neutrale.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/neutrale.al\/index.php\/wp-json\/wp\/v2\/users\/2"}],"replies":[{"embeddable":true,"href":"https:\/\/neutrale.al\/index.php\/wp-json\/wp\/v2\/comments?post=22152"}],"version-history":[{"count":1,"href":"https:\/\/neutrale.al\/index.php\/wp-json\/wp\/v2\/posts\/22152\/revisions"}],"predecessor-version":[{"id":22158,"href":"https:\/\/neutrale.al\/index.php\/wp-json\/wp\/v2\/posts\/22152\/revisions\/22158"}],"wp:featuredmedia":[{"embeddable":true,"href":"https:\/\/neutrale.al\/index.php\/wp-json\/wp\/v2\/media\/22157"}],"wp:attachment":[{"href":"https:\/\/neutrale.al\/index.php\/wp-json\/wp\/v2\/media?parent=22152"}],"wp:term":[{"taxonomy":"category","embeddable":true,"href":"https:\/\/neutrale.al\/index.php\/wp-json\/wp\/v2\/categories?post=22152"},{"taxonomy":"post_tag","embeddable":true,"href":"https:\/\/neutrale.al\/index.php\/wp-json\/wp\/v2\/tags?post=22152"}],"curies":[{"name":"wp","href":"https:\/\/api.w.org\/{rel}","templated":true}]}}