Nga Skerdjan Dhuli
Vota është amanet. Në Fterrë po e po.
“Rrugë s’kemi. Edhe këtë që shohim, e kemi bërë me lekët e emigrantëve edhe nga pak të pensioneve tona qesharake. Nuk na vijnë më as fëmijët se nuk vijnë dot. Kemi 33 vjet që kërkojmë vetëm rrugën Borsh – Fterrë.
Jorgo Gorua na thoshte pa pikë turpi “nuk na duhet rruga e Fterrës. Ska problem edhe po u shkri si fshat se këtu nuk vjen njeri…”
Kemi burime që mbajmë dy hidrocentale me energji po gjysma e fshatit ska ujë në çesma.
Ujësjellësat janë rregulluar për herë të fundit në 1976. Janë bërë tubat si malloma të lidhura me plasmas.
Doktor për ndonjë vizitë nuk na vjen.
Autobuz jo e jo. Me shiun e parë mbetemi edhe pa drita se rrjeti elektrik është ai i kohës së qoftëlargut.
Pa folur për shtëpitë e tokat që i kemi pa dokumenta.
Hapsirë për varreza nuk kemi. Kur vdes ndonjë, shkojnë familjarët e hapin pyll që të krijojnë vendin e varreve. Jemi të gjithë pleq edhe kemi filluar të qajmë hallin ku do na varrosin se as vend varri nuk kemi. Ne kemi aq shumë probleme sa po më le të flas, do vazhdoj deri nesër…”
Fterrë 31 Korrik 2024
Bashkia Himarë e Edi Ramës dhe Jorgo Goros është pasqyra faqezezë e Shqipërisë që nuk i duhet as dreqit.
Hesapet i lajmë në 4 Gusht.
