Kjo është një ditë ndërkombëtare që synon të rrisë ndërgjegjësimin për epideminë e hepatitit dhe të forcojë masat për të përmirësuar shërbimet e testimit dhe trajtimit.
Data 28 korrik u zgjodh sepse korrespondon me atë të lindjes së fituesit të çmimit Nobel, doktor Baruch Blumberg, i cili zbuloi virusin e hepatitit B dhe zhvilloi një test dhe një vaksinë kundër tij.
Hepatiti A, B, C, D, E janë infeksione të mëlçisë të shkaktuara nga viruset. Në shumicën e rasteve, infeksionet e virusit të hepatitit A dhe B zgjidhen vetë pa trajtim.
Personi i infektuar madje do të zhvillojë antitrupa që do ta mbrojnë atë për gjithë jetën.
Per A dhe B ka vaksine gjithashtu.
Është krejt ndryshe për hepatitin C.
Megjithëse në përgjithësi është asimptomatik, hepatiti C është një infeksion që në disa raste çon në inflamacion të mëlçisë (hepatit akut), cirrozë dhe në raste më të rralla, kancer të mëlçisë.
Hepatitet përfaqësojnë një rrezik të madh për shëndetin në mbarë botën me afro 1.4 milionë vdekje të regjistruara çdo vit dhe qindra milionë njerëz të prekur nga kjo gjendje kronike.
Hepatiti A: 1.4 milionë raste të hepatitit A regjistrohen çdo vit.
Hepatiti B: 2 miliardë njerëz të infektuar me hepatit B
Hepatiti C: 150 milionë njerëz janë bartës të infeksionit kronik të hepatitit C.
