Nga Dr.Alket Koroshi
Marrja e moderuar e dietës me acide yndyrore shume fish të pangopura omega-3 në formën e një deri në dy racione të peshkut në javë mund të ndihmojë per te kundershtuar efektet e dëmshme të ndotjes së ajrit në tru, sugjeron një studim i ri.
Midis grave të moshuara që jetojnë në zona me nivele të larta të ndotjes së ajrit, tkurrja e trurit u pa se ishte më e madhe në ato me nivelet më të ulët ne gjak të acideve yndyrore omega-3 sesa në homologet e tyre që kishin nivelet më të larta.
“Këto gjetje jane një pasqyrë e dobishme në lidhje me mënyrën sesi dieta e shëndetshme mund të zvogëlojë efektet e pafavorshme të ndotjes së ajrit në reduktimin e funksioneve konjitive dhe neurodegjenerimin .Keto te dhena jane botuar ne nje studim ne revisten Neurology ne 15 korrik te ketij viti.
Studimet e mëparshme kanë sugjeruar që acidet yndyrore të pangopura me omega-3 me zinxhir të gjatë (long-chain omega-3 polyunsaturated fatty acids :LCn3PUFAs) pakesojne dëmtimin e trurit të shkaktuar nga ekspozimi ndaj neurotoksinave të ndryshme mjedisore, përfshirë plumbin, tretësit organikë dhe merkurin metilik.
Sidoqoftë, deri më tani, asnjë studim nuk ka ekzaminuar nëse keto acide yndyrore ofrojnë mbrojtje të ngjashme kundër efekteve neurotoksike të ekspozimit me keto lende toksike
Studiuesit kane gjetur se vëllimet e lëndës së bardhë dhe hipokampusit ne tru ishin dukshëm më të mëdha tek gratë, qe kishin nivelet ne gjak të LCn3PUFA më të larta.
Prof. Chen thote : “Studimet e ardhshme laboratorike mund të ndihmojnë në sqarimin e mekanizmave themelorë se si omega-3 lehtëson dëmtimet e trurit të shkaktuar nga ekspozimi i lendeve toksike te ambjentit, dhe provat klinike mund të demonstrojnë efektet e plotësimit të vajit të peshkut, si një nga strategjitë kritike për parandalimin e -neurotoksicitetit .
Duke vleresuar keto rezultate , Katrina Hartog, RD, menaxhere e ushqyerjes klinike, Spitali Lenox Hill, New York City, paralajmëroi që të dhënat për përdorimin shtesë të vajit të peshkut ishin konfirmuar , por të dhënat për shpeshtësinë e përdorimit dhe dozimin nuk ishin të disponueshme.
“Më shumë kërkime janë të nevojshme për temën se cilat sasi të ushqimeve me nivele të larta omega-3 ose vaji i peshkut në mënyrë specifike do të zvogëlojnë ekspozimin ndaj materieve të grimcave mjedisore në lidhje me shëndetin e trurit dhe aftesite konjitive”, thote Hartog.
“Ne e dimë që konsumi më i lartë i acideve yndyrore të pasura me omega-3 kanë ndikim pozitiv si në shëndetin e trurit dhe zemrës. Akademia e Ushqimit dhe Dietes si dhe Shoqata Amerikane e Zemrës rekomandojnë të hani peshk dy herë në javë për t’ju dhënë një sasi të shëndetshme per zemren të acideve yndyrore omega-3 ”, thote Hartog.
Mbi bazën e këtyre gjetjeve, individët “duhet të konsiderojnë përfshirjen ne diete te më shumë ushqimeve me acide yndyrore omega-3 në dietat e tyre, dhe akoma më mirë, duke zëvendësuar mishin e kuq dhe të përpunuar me keto ushqime. Burimet më të mira të omega-3 janë harenga, skumbri, salmon etj. farat e lirit, dhe farat chia, “thote Hartog.
