Nga Ing. Hasan Cani
Si shkreptimat që çajnë errësirën dhe rete e zeza në qiell në kohë furtunash dhe stuhish, ashtu dhe zjarret gjarpërojnë nëpër shpatet e maleve dhe luginat duke djeguar gjithçka që del përpara.
Zjarret kanë përfshirë vendin nga jugu në veri duke djegur qindra ha me pyje dhe kullota dhe shkatërruar vlera të jashtëzakonshme të biodiversitetit.
(Pamjet nga zjarret e djeshme në Komunën Dropull).
Nga djegia e pyjeve apo kullotave vlera e damit ekonomik shkon nga 9-15 mijë euro/ha.
Po pse po digjet kjo pasuri natyrore dhuratë e natyrës? Cilat janë arësyet?
Kur njerëzit po ikin dita ditës nga vendlindja e tyre, pasuria që lanë pas po digjet pa mëshirë.
Arsyeja kryesore është keqadministrim menaxhimi. Arsye tjeter është se qeveria ta merr pronën pa shpërblim, për qëllime PPP dhe KÇK, duke ua dhanë të fortëve falas si investitor strategjik betonizimi.
Në shumë territore të vendit burimet natyrore nentokësore dhe mbitokësore u janë kthyer në bumerang banorëve, ku u merret uji duke u futur nëpër zorra e konpe, mineralet, priten pyjet dhe më pas digjen, gjithçka tjetër rrëmbehet pa kriter dhe për banorët nuk ka asnjë mundësi jetese.
Shpopullimi masiv po sjell dhe shkatërrimin perfundimtarë të ketyre pasurive. Qeveria hesht dhe shullanohet nëpër resorte turistike brenda dhe jashtë vendit. Kush e ka fajin për këte krim mjedisor që ka pllakosur vendin?
Sa dekada duhet që kjo pasuri të rehabilitohet? A mendohet për brezat e ardhshëm që s’po u lamë as 1/10 pasuri natyrore nga ato që na lanë neve parardhësit tanë? Duhet reagim mbarëkombëtar një herë e mirë për t’i mbrojtur dhe pasur këto pasuri për vete dhe brezat që do vijnë.
