Nga Artur Meçollari, Kapiteni i Rangut të Parë ish-Zv. Komandant i Shtabit të Forcës Detare:
Baza detare e Sarandës dhe pronat e Forcës Detare
Nuk ka më dyshim se vepra penale “Shpërdorimi i detyrës” është kryer
👉Të kallëzuar për veprën penale “Shpërdorimi i detyrës”
👉Të dyshuar nga SPAK për veprën penale “Shpërdorimi i detyrës”
👉GJKKO konkludon në dyshimin për kryerjen e kësaj vepre penale
PA KOMENT
Marrë vendimi i Gjykatës së Lartë Nr.00-2023- 1001, datë 15.06.2023
👉Paragrafi 2. Ky procedim penal është regjistruar mbi bazë të kallëzimit të shtetasit Artur Meçollari, me detyrë Kapiteni i Rangut të Parë ish-Zv. Komandant i Shtabit të Forcës Detare, depozituar më datë 29.3.2021. ….
👉Paragrafi 100. … Gjykatat e faktit kanë evidentuar faktin se prokuroria ka regjistruar më datë 16.4.2021, procedimin penal nr. 108, për veprën penale “Shpërdorimi i detyrës”, të parashikuar nga neni 248 i Kodit Penal….
👉Paragrafi 3. Në vijim, më datë 08.08.2022, kallëzuesi ka paraqitur shtesë kallëzimi penal, në kuadër të hetimeve mbi procedimin penal tashmë të regjistruar më datë 16.04.2021, me nr. 108, për veprën “Shpërdorim detyre”, të parashikuar nga neni 248 i KP.
👉Paragrafi 59. …. gjykata çmon se në ngarkim të të dyshuarve, të këtij procedimi penal, ekziston dyshimi i arsyeshëm i bazuar në prova se është konsumuar elementi i veprës penale “Shpërdorimi i detyrës” parashikuar neni 248 të Kodit Penal…..
👉Paragrafi 68. …. Më konkretisht, pasi ka pasyruar rrethanat e fakteve, ku përfshihen edhe arsyetime mbi shkeljet ligjore nga zyrtaret e lartë të Forcave të Armatosura dhe zyrtare të Ministrisë së Mbrojtjes, të njëjta me ato të pretenduar edhe Prokuroria e Posaçme, gjykata ka konkluduar mbi faktin se në kuadër të procedimit penal në fjalë të regjistruar nga Prokuroria e Posaçme, ekziston dyshimi i arsyeshëm i bazuar në prova se janë konsumuar elementi i veprës penale “Shpërdorimi i detyrës”, e parashikuar neni 248 i Kodit Penal….
👉Paragrafi 70. .. Gjykata e Shkallës së Parë i është referuar parashikimit të nenit 248 të KP, “Shpërdorimi i detyrës”, duke konkluduar në dyshimin për kryerjen e kësaj vepre penale, vepër penale për të cilën dhe është kryer regjistrimi i procedimit penal dhe është arsyetuar dhe në kërkesën për caktimin e masës së sekuestros preventive është arsyetuar, pikërisht, dyshimi mbi përfshirjen e funksionarëve të Ministrisë së Mbrojtjes dhe të Forcave të Armatosura.
——–
Paragrafi 70. ..Nenit 248 të KP, “Kryerja ose moskryerja me dashje e veprimeve a e mosveprimeve ne kundërshtim me ligjin”, përfshihen rastet kur: (1) veprimi i paligjshëm konsiston në shpërdorimin e pozitës zyrtare, duke kryer veprime apo mbajtur qëndrim mosveprues në kundërshtim me kuadrin ligjor dhe rastin kur (2) nuk përmbushen detyrat zyrtare. Për sa i përket elementëve të anës subjektive, kjo vepër penale kryhet me veprime dhe mosveprime me dashje, nga ana e personave që ushtrojnë funksione publike, veprimet dhe mosveprimet e të cilëve, duhet parë në harmoni me ligjin specifik mbi të cilin ata funksionojnë. Në këtë rast, dashja e subjektit përfshin dijeninë se po kryhen me dashje veprime në kundërshtim me ligjin, ose nuk po e kryen detyrën e tij, si dhe vetëdijen se këto i bën që të përfitojë nga pikëpamja materiale ose jomateriale, për vete apo për persona të tjerë, apo të sjellë dëmtim të interesit të shtetit apo shtetasve.
