14 Maji ishte një ditë e zezë për Shkodrën!
Grabitja e saj nga bandat dhe droga paralajmëronte pikërisht këto që po na serviren përditë nga qeveria rilindase ku ‘sekseri’ do jetë karremi Beci.
Sot u prezantua në Shkodër kulla e parë e cila paralajmëron të tjera kulla. Shkodra është kthyer tashmë në vatër korrupsioni, klientelizmi, pastrimi parash etj…
Shkodra e ndërtesave karakteristike arkitekturore tashmë do kthehet në qytetin e kullave dhe betonizimit, interesave oligarkike dhe korruptive, do kthehet në një Tiranë të dytë ku oreksi kryeministror, qeveritar dhe kryebashkiakas do I marrë ‘frymën’ frymëmarrjes së lirë të gjelbërimit e flladeve të Liqenit e lumenjve.
Prezantimi i kullës së parë është kambanë alarmi se çfarë e pret kryeqendrën veriore nesër. Është ulëritëse sesi Beci, Rama e shokët/shoqet e tyre të partisë kanë kthyer tashmë sytë nga Shkodra për t’i humbur çdo identitet kulturor, historik dhe arkitektonik në emër të Zhvillimit por që në fakt gjithçka bëhet në emër të zgjatjes së pushtetit diktatorial që kanë ndërtuar.
Shkodra nuk duhet të lejojë këtë skandal i cili paralajmëron masakër ndërtimesh. Të njëjtin fat do ketë çdo pikë turistike e Shkodrës, të gjitha do i vihen në dispozicion oligarkëve klientelistë, bosëve të bandave dhe bosëve të drogës. Nuk do ketë vënd për të vënë këmbën pasi ndërtimet do lulëzojnë si kërpudhat pas shiut.
Ditë të zeza e presin Shkodrën…Prandaj duhet reagim qytetar, nuk duhet lejuar kjo katastrofë e humbjes së identiteti të lashtë të një qyteti, i cili lirinë dhe demokracinë i ka në gen si qyteti që më së shumti vuajti persekutimin komunist.
Këta rilindas nuk e duan Shkodrën, asnjë investim nuk i kanë sjellë Asaj për 11 vite në pushtet sepse nuk ka qënë kurrë në objektivat e tyre të zhvillimit. Këta rilindas janë pikërisht pasaardhësit e persekutuesve të kulturës dhe vlerave të veçanta që ka ky qytet.
Shkodra ka qënë qyteti i urryer i paraardhësve të komunistëve të sotëm të cilët duan të çojnë në vënd ‘amanetin’ e të parëve të tyre, shkatërrimin e një qyteti që nuk është përulur kurrë para Tyre.
Sot kulla e parë….Nëse s’ka reagim sot, nesër do jetë vonë…
Shkodra ka nevojë me i dalë Zot prandaj, të dashur shkodranë mbroni trashëgiminë që na lanë të parët, sot Shkodra ka nevojë për secilin prej nesh. Kushdo që e do Shkodrën duhet të reagojë përpara se të jetë tepër vonë…
