Arben Ndoi/ Dy pamje të Shëngjinit:…

Duke parë filmimet me dron nga ajri të aksit Kune-Vain-Rana e Hedhun magjepsesh nga bukuria. Gjithçka vezullon, sidomos pamjet natën.
Ky është realiteti 4D.
Një tjetër realitet pashë dje pasdreke.
Nga Shëngjini në Lezhë plot 50 minuta.(vetëm 8 km). Rruga e njejtë pothuaj si 50 vite më parë.
Vetëm se rrugës nuk ka autobus 3 lekësh apo sharabajka.
Binte në sy numri i madh i boteve që transportonin ujë drejt Shëngjinit.
Pra mungon rruga, mungon uji i pijshëm.
Askush nuk e diskuton poziten gjegrafike të Shëngjinit dhe bukuritë e këtij qyteti.
Por këto janë dhuratë e natyrës, për të cilat duhet të ndjehemi me fat. Jo të mburremi.
Edhe ndërtesat akomoduese moderne janë falë investitorëve privat.
Ajo që mungon në Shëngjin është dora e shtetit: rrugë, ujë, dhe energji elektrike (deri para 10 ditësh).
E vetmja prezencë e shtetit janë disa patrulla policie, të cilët përpiqen të ndreqin trafikun e rënduar. Së bashku me policët vendas janë edhe policë nga Kosova, të cilët të paktën në aparencë janë më profesional se kolegët e tyre shqiptar.
Kjo ishte pamja reale e Shëngjinit dje…