Në kuptimin e përgjithshëm të fjalës, suplement është diçka që i shtohet diçkaje për ta plotësuar apo përmirësuar.
Në kuptimin farmaceutik është një substancë që merret për të korrigjuar mangësitë në dietë.
Suplementet perfshijne komponime te vitaminave dhe mineralevete ndryshme….
ÇFARË ËSHTË NJË VITAMINË ?
Diçka që organizmi ynë nuk mund ta sintetizojë. Të gjitha vitaminat që na nevojiten ne mund t’i marrim nga burime natyrale, nga ushqimet që supozohen të jenë pasura me nutrientë.
Kur struktura kimike e vitaminave ende nuk ishte përcaktuar, emërtimi i tyre bëhej me shkronjat e alfabetit : vitamina A, B, C, D, E e kështu me rradhë. Ky emërtim vazhdon të përdoret shpesh, sidomos mga publiku i gjerë. Me përcaktimin e strukturës kimike, sot përdoret edhe emërtimi kimik.
SHPREHI TË GABUARA….
Pse në këtë epokë mirëqenie, për të marrë vitaminat dhe lëndët e tjera ushqyese që na duhen, t’i marrim me pilula të prodhuara sintetikisht ? Duhet të gjithë njerëzit të përdorin suplementë me vitamina dhe mikrominerale ? Justifikohet përdorimi kaq i gjerë i tyre si parandalues apo mjekues ?
Argumenti i marrjes së suplementeve dhe multivitaminave për të kompensuar mungesat në një diete jo ideale, s’mund të justifikohet si racional.
Shumë të dhëna shkencore forcojnë pretendimin se suplementet dietetike s’mund të zëvendësojnë shprehitë e mira të ushyerit, as aktivitetin fizik, as rënien në peshë, si një mjet për të minimizuar riskun për sëmundje të zemrës apo goditjeve në tru….
PSE PERDOREN KAQ MASIVISHT?
Për kuriozitet sot, amerikanët harxhojnë rreth 3 miliard dollarë në vit për marrjen e suplementeve të mikronutrienteve dhe vitaminave në formën e tabletave, që tregëtohen lirshëm në çdo market ushqimor. Marrja e suplementeve eshte kthyer ne mani , sidomos tek të moshuarit. Masiviteti justifikohet me dy arsye. E para , largimi nga ushimet e vërteta, afër atyre natyrale, dhe përdorimi i ushqimet e shpejta të përpunuara (fast food).., Dhe e dyta sepse njerëzit besojmë se do të jenë më të shëndetshëm, do ndihen më mirë nëse marrin me shumë vitamina dhe lëndëve ushqyese përmes pilula, pluhura, eliksire, lëngjeve…
PRO DHE KUNDER
Krahas miratuesve per marrjen e suplementeve ka shumë skeptikë sipas të cilëve përdorimi kaq masiv është i pa kuptimtë, një shpenzim i kotë, mbasi sasia e tepërt e vitaminave dhe mineraleve nuk përdoret nga organizmi dhe eleminohet me urinë.
Në fillim e viteve1900, Vitaminat dhe suplementet dikur domen i drejtpërdrejtë i mjekut dhe farmacistit, sot janë liruar nga juridiksioni i tyre, madje nuk regullohen nga asnjë entitet qeveritar, si barnat e tjera!
Dr. Grupeet Dhaliwall ne shkrimin “Si të kurseni qindra dollarë në vit dhe ta mendoni nevojën për suplemente dhe vitamina” në “Wall Stret Journal” shkruan :
“Njerëzit me shëndet të mirë që marrin suplemente vitaminash, duhet të informohen se janë duke paguar jo pak para për një efekt placebo”….
Marrja e më shumë vitaminave nga sa nevojiten s’do të thotë më mirë.
