Përgatiti: Elvis Maloku
Të ushqehesh shëndetshëm do të thotë të marrësh jo vetëm kalorazhin e duhur ditor, por të marrësh në proporcione të duhura proteina, yndyrna, karbohidrate e kripëra minerale, përshtatur me moshën, peshën trupore e aktivitetin fizik që dikush kryen.
Më poshtë po ju propozoj 10 ushqime të cilat duhet të jenë pjesë e pandashme e rregjimit tuaj të përdithsëm dietetik:
1. LAJTHITË
Përmbajnë vitaminë E që është esenciale pêr mirëfunksionimin e muskulaturës së zemrës e të gjithë muskujve të trupit.Parandalojnë kancerin e sëmundjet kardio-vaskulare.
Sa? Të paktën 6 kokrra lajthi në ditë.
2. HUDHRA
Ka veti antibakteriale, antifungale dhe antivirale. Dobitë e saj i detyrohen komponentëve të sulfuruar që janë antioksidantë të fuqishëm. Ul rrezikun e kancerit koloteral, stomakut e prostatës me 50% duke konsumuar 6-7 thelpinj hudhra në javë
Sa? Minimalisht 1 thelpi hudhër në ditë.
3. VAJI ULLIRIT
Shtypni një ulli dhe keni përfituar lëngun me yndyrnat më të shëndetshme. Përmban yndyrna të monosaturuara, duke ulur LDL kolesterolin dhe rritur HDL kolesterolin (kolesteroli i mirë, i cili pengon formimin e pllakës yndyrore). Përmban edhe sasi të larta fenolësh që janë antioksidantë.
Një lugë gjelle në ditë.
Preferoni vajin e ullirit të papërpunuar (virgin)!
4. BROKOLI
Përmban komponentë të sulfuruar që e bëjnë ushqimin kryesor për parandalimin e kancerit.Këto komponentë nxisin qelizat tona të prodhojnë enzima që neutralizojnë substancat kancerogjene. Konsumoni çdo ditë brokoli për të ulur rrezikun nga kanceri i gjirit, mushkërive, stomakut e zorrës së trashë.
Rekomandohet të paktë 1/2 filxhan çaji në ditë.
5. THJERËZAT
Përmbajnë sasi të lartë fibrash duke ul depozitimin e kolesterolit në enët e gjakut. Një ndër ushqimet më antioksidantë. Është ushqimi bimor me sasinë më të lartë proteinike.Nevoja proteinike ideale trupor plotësohet nëse konsumoni dhe një porcion oriz.
6. KOSi
Vlera e kosit i detyrohet jo vetëm Kalciumit, i cili siguron një mineralizim të mirë të kockave e dhëmbëve por edhe probiotikëve. Probiotikët janë baktere të mira që pengojnë zhvillimin e baktereve sëmundje shkaktuese në zorrë. Ndihmon veçanërisht të gjithë ata që vuajnë nga sëmundja inflamatore e zorrës, ulçer gastrike, infeksion mykotik vaginal, infeksione të traktit urinar.
Minimumi i dozës ditore të rekomanduar është 3/4 filxhan çaji në ditë.
7. KANELLA
Një ndër erëzat më kurative. Balancon gliceminë (niveli i sheqerit në gjak) duke qënë kështu ideale për diabetikët. Parandalon trombozat. Ka veti baktericide dhe anti- inflamatore. Është zbuluar se është shumë efikase në rastin e infeksioneve me Escherichia Coli.
1/4 – 1/2 lugë çaji në ditë ul nivelin e yndyrnave në masën 12-30%.
8. TËRSHËRA
Efekti magjik i tërshërës i detyrohet beta-glukanit. Ndihmon rënien nga pesha pasi qëndron më gjatë në stomak duke krijuar ndjesinë e ngopjes. Ideale për të gjithë ata që duan të bien nga pesha.
Beta glukani ndikon në uljen e LDL kolesterolit( kolesteroli i keq).
Siguron dhëmbë të shëndetshëm duke rritur mineralizimin e tyre.
Nuk përmbajnë gluten, kështu që mund të konsumohen pa problem nga të gjithë personat me intolerancë nga gluteni apo sëmundja e celiakisë.
Përmbajnë linjin, që siguron mbrojtjen nga kanceri i gjirit dhe sëmundjet kardiake.
Përmbajnë antioksidantin avenantramid i cili mbron enët e gjakut, nga depozitimi mbi to i pllakave yndyrore.
Ul rrezikun për insufiçencë kardiake në masën 29 %.
Forcon sistemin imunitar, pasi lehtëson lëvizjen e rruazave të bardha të gjakut ( qelizat e sistemit imunitar) drejt vatrës ku kanë hyrë mikrobet.
Konsumi i përditshëm i gjysëm filxhani çaji tërshë e ul kolesterolin total në masën 2% dhe rrezikun për sëmundjen e arterieve koronare në amsën 4%.
Gjysëm filxhani çaji tërshërë përmban:
150 kalori, 30 gr karbohidrate, 8 gr fibra, 11 gr proteina, 5 gr yndyrna dhe 20 % të sasisë ditore të nevojshme të Hekurit.
9. FARAT E LIRIT
1 lugë gjelle në ditë siguron sasinë e mjaftueshme të fibrave (2.3 g fibra), duke shërbyer si një laksativ (parandalues i kapsëllëkut) natyral.
Përmbajnë acidet yndyrore të pangopura, omega 3.
Ndikojnë në uljen e nivelit të kolesterolit në gjak.
Ofrojnë një sasi të mirë Magnesiumi i cili ul tensionin nervor e muskular.
Përmbajnë linjin, që ul rrezikun e kancerit të gjirit.
Mbrojnë femrat nga sëmundjet kardiake, pas menopausës.
Ulin reziztencën ndaj insulinës dhe mbrojnë nga diabeti.
Studimet në minj tregojnë që ul rrezikun e shfaqjes së kancerit të prostatës dhe melanomës ( kanceri i zi i lëkurës).
Kalorazhi = 37 Cal / lugë gjelle.
10. ÇAJI
Është një ndër burimet më të mira të antioksidantëve.Qoftë çaji jeshil, i malit, kinez etj. Antioksidantët mbrojnë vazat nga mbivendosja e shiritave yndyrorë.
Parandalojnë kështu infarktin akut të miokardit dhe aksidentet cerebrovaskulare. Të gjithë ata që pinë 2 filxhan çaji në ditë, kanë rrezik 46 % më të ulët për zhcillimin e arterosklerozës. Rekomandohen 7 filxhana çaj në ditë, që përpos uljes së stresit oksidativ, hidratojnë dhe detoksifikojnë organizmin. Ndër çajrat më të konsumuar në mbarë botën është çaji jeshil.
Çaji jeshil zvogëlon rrezikun e kancerit. Deri më tani janë bërë studime të ndryshme dhe është vërtetuar se EGCG që gjendet në çajin jeshil rregullon dhe stopon zhvillimin e kancerit duke vrarë qelizat kancerogjene.
Konsumi i dy filxhanëve në ditë ul rrezikun pêr zhvillimin e kancerit të mushkërive në masën 18 %. Parandalimi kushton më pak se kurimi, përdoreni.
Lehtëson dhimbjet nga artriti rheumatoid. Nëse keni mbajtur për vite të tëra mbi shpatulla dhimbjet e forta të artrit rheumatoid, pa ndonjë mjekim të susksesshëm çaji jeshil mund t’ju ndihmojë në lehtësimin e tyre.
Është sërish ECEG që përmirëson gjendjen e kërcit të artikulacioneve dhe zvogëlon të gjitha ënjtet e shkaktuara nga ky çrregullim. Dhe mjekët rekomandonjë çajin jeshil pêr pacientët e tyre me artrit.
Çaji jeshil stabilizon nivelet e kolesterolit.
E pra, një dobi tjetër e çajit jeshil është aftësia e zvogëlimit të niveleve të kolesterolit. Pengon oksidimin e LDL kolesterolit duke penguar formimin e shiritave yndyrorë që mund të bllokojnë arteriet tuaja duke shfaqur sëmundjen e arterosklerozës.
Forcon sistemin imunitar. Ky funksion realizohet nga potencimi i funksionit të limfociteve T.
Ju ndihmon të humbni peshë, pasi përshpejton metabolizmin bazal.
Ka efekt baktericid, duke penguar formimin e places dentare dhe parandalimin e kariesit. Ideal për higjenën orale.
Lehtëson simptomat e alergjive stinore.
