Shumë shokë e miq demokratë vazhdojnë e ushqejnë iluzionin se rizgjedhja e Tramp President i SHBA do të sjellë ndryshime të mëdha në politikën shqiptare.
Unë jo, nuk shpresoj në ndonjë gjë të madhe.
Ne që kemi jetu para 90-ës dhe pas 90-ës në Shqipëri e kemi provu se nuk ka funksionu shpresa për ndryshime rregjimesh nga ajo se kush ka kenë në krye të Shtëpisë së Bardhë.
1945-1990 Amerika ka pasë shumë Presidentë e këta as u morën ose u morën pamjaftueshëm me regjimin komunist shqiptar për ta rrëzuar edhe pse regjimi i Tiranës e trajtonte USA si armikun ma të keq të gjithë pjesës tjetër të Botës.
Revolta popullore kundër regjimit komunist e Dhjetorit 90 brenda vendit tërhoqi vemëndjen amerikane. Pas kësaj amerikanët as që e vranë ma mendjen për Demokracinë në Shqipëri por thjeshtë vetëm për stabilitetin e saj gjeopolitik për të mos u cënuar interesat amerikane këtu.
Këtë ata e siguruan në mënyrën ma të thjeshtë.
Përkrahën e vazhdojnë të përkrahin ata që u rrinë lepe-peqe nga kupola politike për çdo gjë.
Të gjithëve u kujtohet kur Rama thosh që fitorja e parë e Tramp do ish fatkeqsi botërore.
Tramp fitoi dhe Rama nrroi kurs duke u kthy në servil e lëpirës ndaj tij.
Asnjë sanksion ndaj Ramës e regjimit të tij e përkundrazi.
Tashma asht dhanë edhe Sazani e Karaburuni.
Ftohja e Berishës me amerikanët erdhi pikërisht se ai nuk pranoi në mandatin e parë ta bënte kët hap duke mos shkelur sovranitetin e Shqipërisë.
Për mos ti rënë gjatë ky shoku im trampist që jeton prej 25 vitesh në USA, Edi Vogli më tha para 3-4 ditësh.
Mos prisni të na sjellë gjë në shqiptarve fitorja e Tramp.
4 vjet Trampit nuk i mjaftojnë të zgjidhë as hallet e Amerikës krijuar nga 4 vitet e Biden e nuk i vjen rradha Shqipërisë mu marrë me të nëse nuk ka revolta popullore si në 1990.
Të betohem Ajet më tha që nuk dal dot hapur unë kundër Biden në Siatëll se të vijnë e të cënojnë biznesin direkt.
Është bërë njëlloj si ktu më tha.
Një shok imi po lë Teksasin bashkë familjen
për kët arsye më tha dhe që Teksasi asht shteti ma konsevator i Amerikës.
Miq mos shpresoni që Amerika do rregullojë Shqipërinë sa i përket politikës e qeverisjes së brendëshme.
(*Në foto: ing.Ajet Ramcaj, Kryetar i Grupimit Dhjetor ’90 dhe dy anëtarët e senatit të këtij grupimi, ing. Florent Kalivopulli dhe ing. Edi Vogli)
