Përgatiti Elvis Maloku
1. Kërcimet me litar
Kërcimi me litar është relativisht i lehtë dhe nuk kërkon pajisje apo vende të posaçme.Kërcimi me litar është një nga ushtrimet që djeg më shumë kalori.Përllogaritet që për 30 minuta ushtrime me litar mund të digjen 375 Kalori.Për ta bëre edhe më argëtuese, kërceni së bashku me fëmijët tuaj.
2.Ulje – Ngritjet
Ky lloj ushtrimi përveçse djeg shumë kalori, shërben për të forcuar muskujt gluteralë dhe përfshin numër të konsiderueshëm muskujsh.Avantazhi i këtyre ushtrimeve lidhet me atë se ato mund të kryhen edhe në kushtet e shtëpisë, si dhe në çdo moment të ditës.Ju mund të keni djegur rreth 355 kalori pasi të keni ushtruar për 30 minuta.
3.Pompat
Janë nga ushtrimet më të vështira dhe si të tilla, njerëzit përgjithësisht i anashkalojnë. Ka lloje të ndryshme që ushtrojnë muskuj të ndryshëm, ndaj përcaktoni atë që ju pëlqen më shumë dhe mundohuni që të mos ju bëhen të mërzitshme. Këto lloj ushtrimesh kanë një efekt pozitiv në të gjithë sistemin kardiovaskular. E rëndësishme është që të bëhen të sakta.
4.Përkuljet mbi këmbë
Ky lloj ushtrimi angazhon një numër të madh të muskujve të këmbëve.Rekomandohen të kryhen çdo ditë nga 3-10 seri në ditë.Edhe këto mund të kryhen në ambientin e shtëpisë, kështu që nuk ka vend për justifikime.
5.Noti
Është një nga sportet dhe ushtrimet më të mira dhe të bukura njëkohësisht. Është në gjendje të verë në lëvizje numër shumë të madh muskujsh, organesh dhe grup organesh duke mundësuar forcimin e muskujve, përmirësimin e kapacitetit aerobik, përmirësimin e gjendjes së sistemit kardiovaskular.
Mendohet se djeg 250 kalori per 30 minuta te ushtruari.
6.Vrapimet
Vrapi është në gjendje të veprojë jo vetëm në nivel të shëndetit fizik por edhe në atë mendor.Nëse ushtroni të paktën 30 minuta ju mund te harxhoni 330 kalori.
Në mëngjes do të ishte më e mira gjë që mund të bënit për shëndetin tuaj.
7.Çiklizmi
Është në gjendje të përmirësojë forcën e këmbëve tuaj, të krahëve, të shpinës etj.
Po kështu edhe shumë sisteme organesh, përfshi atë kardiovaskular dhe aerobik.
Pasi të keni ushtruar për 30 minuta ju do të keni djegur 250 – 355 kalori.
