Gjithë ai entuziazëm gjatë 24 orëve të fundit!
Fjala më shumë e dëgjuar gjatë këtyre orëve ka qenë fjala “pushtet”!
..”do të vijmë në pushtet në vitin 2025 thonë shumica”!
Bashkim, bashkim, bashkim thërrasin të gjithë përfshirë edhe Dr Berishën!
Askush nuk na tregon se si do bëhet ky bashkim e mbi çfarë parimesh!
A ka parime apo nuk na duhen më?
Po ju bëhet thirrje të bashkohen atyre që ka 3 vjet që na ngulin thika me helm më helmues se të taulantëve e elisave!
Askush nuk e vë gishtin mbi plagë për të para ku është problemi dhe infeksioni i partisë më të madhe opozitare!
Askush nuk flet për MORAL politik apo për IDE Politike për të cilat ai vend i rraskapitur është i etur dhe zhuritur!
Shumica e entuziastëve as nuk e dinë se çfarë kërkon votuesi nē bazë sepse thjesht nuk e kanë pyetur ndonjëherë!
Ata në rastin më të mirë kanë shkuar e janë ulur në rrjeshtin e parë të sallave dhe përballë tyre kanë mbajtur fjalime (kuptohet të stërdëgjuara) por nuk janë shtruar me ta e ti pyesin me dorë në zemër:
Çfarë doni nga Partia Demokratike?
Si e doni Partinë Demokratike?
Çfarë doni që kjo parti të ndryshojë?
Çfarë doni të korrigjojë nga e kaluara?
Çfarë duhet realisht të reflektojë seriozisht nga gabimet e së kaluarës?
Si mund të ringjallet shpresa që ai vend të cilin Zoti e ka falë me të gjitha të mirat natyrore tē zhvillohet të paktën si kojshitë e tij?
Si mund të frenohet hemorragjia e trurit dhe e rinisë shqiptare?
Ku janë votuesit e opozitës?
Sa janë jashtë Shqipërisë e sa janë brenda?
Çfarë konsideron Partia Demokratike ‘interes kombëtar’ dhe a ka ajo vija të kuqe në aleancat para apo pas zgjedhore?
A do të bëjë partia demokratike zgjedhje të njëmendëta brenda forumeve të saj?
A do ti akomodojë ajo të gjitha grupet e interesit?
A do të bëhet Partia Demokratike parti e djathtë ku pasqyrohen vlerat më të mira të shqiptarit?
A do implementihet doktrina konservatore e të djathtës të cilën Partia Demokratike e ka pranuar “de jure”?
Vulën po, por a do shkohet në zgjedhjet e radhës kurdo që të jenë ato nën dajakun e sistemit të patronazhistëve?
Kur do ta hapë Partia Demokratike një diskutim dhe debat të madh publik për të bërë rikolaudimin e madh brenda vetes nē radhë tē parë e pastaj të ndërtojë njē raport edhe me ata votues që nuk janë të saj por duan tē largojnë dambllanë që ka kapur vendin tash e 11 vjet!
Unë shoh një hendek të madh mes interesit të elitës së partisë demokratike (që është një vend në listat e ardhshme të deputetëve të partisë) dhe interesit të opozitarëve në bazë që duan ndryshimin e madh!
Ata duan një shtet të shkëputur nga hallkat e krimit!
Ata duan një parti që e ka seriozisht e përfaqesohet nga vlerat më të mira të së djathtës shqiptare!
Ata duan që fëmijet e tyre ta shohin të ardhmen e tyre nē Shqiperi e jo të degdisen nëper botë!
Ata duan përfaqësues që politikën e përdorin si mjet për zhvillimin dhe përparimin e vendit si shumica e vendeve normale e jo si mjet pazaresh për perfitime personale!
Kemi njē stanjacion të frikshëm nga 11 Dhjetori i vitit 2021!
Më shumë se rithemelim për fat të keq kemi parë riciklim!
Jo vetëm nuk kemi parë hapjen partisë që teorikisht është proklamuar vazhdimisht por në praktikë kemi një parti që ka frikë nga idetë dhe njerëzit e rinj!
E kam thënë dhe e do ta them sërish se pa një parti demokratike thellësisht të reformuar dhe një FRONT OPOZITAR serioz jashtë partisë demokratike që ka në themel një PLATFORMË SERIOZE të shpetimit të vendit as nuk mund të bëhet fjalë për ndryshimin e madh këtë vit apo vitin tjetër!
O do ndryshojmë përnjimend, o do shuhemi!
