???? Do të të mbaj mend gjithnjë të qeshur dhe të rrethuar nga një aurë fisnikërie dhe dashamirësie.
???? Z. Bedri Alimehmeti nuk ishte thjesht “Mjeshtër i Madh” dhe “Fisnikëri e Tiranës”, por ishte mishërimi i plotë i tiranasit tradicional që e jeton jetën plotësisht.
???? Do të na mungojë jo vetëm një familjar, jo vetëm një profesionist, jo vetëm një qytetar, por do të na mungojë roli i tij pozitiv që ka rrezatuar përherë.
???? Na ke mbushur me pikëllim Bedri, por do të të mbajmë mend përherë me krenari e me buzën në gaz siç do të doje ti vetë.
???? Të qoftë i lehtë dheu!
(Bedri Alimehmeti lindi në vitin 1945 në Tiranë. Ai ka botuar ndër të tjera tregimet si “Tirana e përgjakur”, për ekzekutimet pa gjyq që u bënë në Tiranë në muajt tetor-nëntor të vitit 1944.
“Masakra e terrorit komunist në Tiranë, 28 tetor 1944–16 nëntor 1944” (Tiranë, 2001); “Skënder Halili: vezullimi i një ylli” (Tiranë, 2008), “Shyqyri Rreli: një jetë për futbollin shqiptar” (Tiranë, 2010).
