Dr. Ilir Allkja/ 11 SHENJAT MË TË ZAKOSHME TË MANGËSISË SË OKSIGJENIT NË GJAK

Të gjithë biem dakort që oksigjeni është elementi më thelbësor i jetës në tokë në përgjithësi dhe i jetës së njeriut në veçanti.
Për ta kuptuar mjafton fakti që njeriu mund të jetojë disa javë pa ushqim, disa ditë pa ujë, por vetëm disa minuta pa oksigjen, këto minuta fatkeqësisht maten me gishtat e një dore.
Të gjitha organet në trupin tonë mbështeten nga oksigjeni për të prodhuar energji. Pa oksigjenin ne nuk do të ishim në gjendje të kryenim funksione normale si lëvizja e muskujve, tretja e ushqimit ose të menduarit.
Pra oksigjeni na mban gjallë, dhe trupi jonë ka nevojë për nivele të saturimit të oksigjenit në gjak në limitet 94% – 100%. Këto nivele varen nga ambjenti, sëmundjet e kaluara apo të tanishme, mënyra e jetesës (veset)etj.
Më poshtë po listoj disa nga shenjat dhe simptomat që orientojnë për nivele të ulëta të oksigjenit në gjak të cilën ne mjekët e quajmë hipoksemi:
1. Lodhje e kronike, e pajustifikuar.
2. Mjergullim të trurit.
3. Dhimbje koke e lehtë që vjen duke u rënduar.
4. Frymëmarrje e shpeshtë, e shkurtër.
5. Marramendje.
6. Kollitje.
7. Turbullim të shikimit.
8. Vështirësi në përqëndrim.
9. Konfuzion mendor
10. Rrahje të shpejta të zemrës.
11. Cianozë (ngjyrë kaltëroshe në lëkurë, thonj dhe buzë)
Nëqoftëse keni një ose disa nga këta simptoma këshillohuni me një mjek.
Mangësia e zgjatur e oksigjenit në gjak mund të sjellë probleme e pasoja të parikthyeshme për trupin tuaj.
Kujdesuni për veten!