Leica Sofort 2 do të dalë në shitje më 9 nëntor me çmimin 389 euro – më shumë se kamera e famshme e Instax Evo të kompanisë Fujifilm, por kjo është një Leica!
Shtatë vite pas prezantimit të Leica Sofort, Leica njoftoi më së fundi modelin pasardhës – Leica Sofort 2. Modeli i ri, Leica Sofort 2, kushton më shumë se ai paraardhës, duke e shndërruar pajisjen nga një fotokamerë me foto të çastit në një fotokamerë hibride me foto të çastit.
Ajo shkrep foto me një sensor dixhital në 1/5 inç dhe ju mund të zgjidhni fotot që dëshironi të stamponi.
Kamera është e pajisur me portë USB-C, disa funksione shtesë dhe është përditësuar në dizajn. Këtu përfshihen shumë objektiva dhe një levë që mund ta tërhiqni për të printuar foto.
Modeli i ri do të jetë në tri ngjyra: e kuqe, e zezë dhe e bardhë.
Ndryshimi më i rëndësishëm krahasuar me modelin e mëparshëm Sofort është se nuk bëhet më thjesht fjalë për një kamerë me foto të çastit. Tani është një kamerë dixhitale hibride me sensor CMOS 1/5 inç, që shkrep foto në 4.9 MP, në një microSD.
Ju mund të zgjidhni se cilat foto të stamponi.
Me Leica Sofort 2 ju mund t’i nisni fotot e shkrepura me telefon te Leica Sofort 2 dhe t’i stamponi. Ju mund të përdorni filma me ngjyra Sofort mini, me format 86 × 54 mm.
Sofort 2 ka ekran LCD 3 inç, me një menu të ngjashme me ato të fotokamerave Leica. Në pjesën e përparme ka një objektiv Leica Summar f/2, 28 mm, e njëjta gjatësi objektivi e kamerave të famshme me objektiv të serisë Leica Q.
Me modelin Sofort 2, Leica duket sikur kërkon të rivalizojë me Instax Mini Evo të Fujifilm, që është një nga modelet më të mira të kamerave me foto të çastit, që kushton thuajse sa gjysma, 200 dollarë.
Leica Sofort 2 do të dalë në shitje më 9 nëntor me çmimin 389 euro – më shumë se kamera e famshme e Instax Evo të kompanisë Fujifilm, por kjo është një Leica!
/ The Verge
