Presidenti Francez Macron dekoron me titullin “Oficer i Legjionit të Nderit” shkrimtarin Ismail Kadare.
Si Shqiptar ndjehem i nderuar dhe falenderues.
Presidenti Francez Macron përgjatë fjalës së rastit shtjellon se arratisja e shkrimtarit të madh ishte “shkëndija” që shënjoi fillimin ë rënies së diktaturës në Shqipëri (sipas përkthimit zyrtar)!!!
I nderuar mik i Shqipërisë, i nderuar President i Kombit të madh Francez z.Macron, ndjej detyrimin moral të shkruaj dy reshta si pasardhës i gjyshit nga nëna, Vasil Dhaskali që vuajti dekada burg ndërgjegjeje, si nip i axhës Zef Murana që vuajti dekada burg ndërgjegjeje, si nip i axhës Mark Murana i nderuar me “Urdhër Mirnjohje” si një nga nismëtarët e betejave për lirinë e besimit dhe rihapjen e objekteve të kultit, si i dekoruar me “Medaljen e Trimërise” dhe “Shqiponjën e Artë” me motivacionin “guxim e trimeri, shquar në proceset e rrëzimit të diktaturës komuniste” plagosur me 2 Prill në revoltën antikomuniste të Shkodrës, dhe si Kryetar i “Shoqatës Mbarëkombëtare Atdhetare Antikomuniste 2 Prilli 1991”, modestisht në vogëlsinë e murit tim, me përuljen e dikujt që di të mbajë vendin që i takon do ju lutesha të distancoheni nga citatati me sfond bolshevik “historinë e shkruajnë fitimtarët” !!!
Unë çmoj pafundësisht pendën e të madhit Kadare, ajo na bën nder si bashkëkombas e na jep krenari të pafundme si Shqipëtarë, por dhënia e atributeve tej vlerave të padiskutueshme e patjetërsueshme që Kadare si figurë e jashtëzakonshme e letrave Shqipe ka kruan “kore plagësh” e trazon “gjak të derdhun” nga ata “heronj të heshtur” që vërtet ishin “SHKËNDIJAT” e rrëzimit të diktaturës …
Këkoj ndjesë që unë “askushi” guxoj që platenë mbushur me emrat e mëdhenj e të arrirë ta vë në “diskutim”, por ndërgjegjja, ajo për të cilën parardhësit e mi vuajtën kalvarin e burgjeve të diktaturës, nuk mē la shteg tjetër vëç këtij reagimi të ndjerē…
Koha kur ne trajtoheshim si ushtarë e duartrokisnim “gjithçka” ka vdekur !!!
