Zbardhen të tjera detaje lidhur me plagosjen me thikë të 68-vjeçarit në Vaun e Dejës. Autorja e ngjarjes është një vajzë 21-vjeçe e cila është arrestuar nga policia.
Mësohet se gjatë marrjes në pyetje 21-vjeçarja deklaroi se e ka goditur me thikë të moshuarin pasi ai ka tentuar që ta përdhunojë në banesën e saj, në të cilën ndodhej vetëm.
Pas tentativave të të moshuarit, e reja e ka qëlluar me thikë disa herë për t’u vetmbrojtur. E reja ka pranuar autorësinë në policinë e Shkodrës dhe ka rrëfyer ngjarjen.
I moshuari ndodhet jashtë rrezikut për jetën në spitalin e Shkodrës.
