Transferimi i Lionel Messi në Major League Soccer ka hedhur themelet për diçka vërtet të jashtëzakonshme.
Me një kontratë prej dy sezonesh e gjysmë dhe pagesë vjetore që varion nga 50 deri në 60 milionë dollarë, marrëveshja e Messi me Inter Miami CF nuk është vetëm historike, por sjell edhe implikime të gjera financiare.
Parashikimi i rritjes së të ardhurave
Inter Miami CF parashikon një shifër rekord të ardhurash prej 200 milionë dollarësh në vitin 2024.
Sipas Xavier Asensi, Chief Business Officer, ky parashikim i guximshëm shënon një rritje trefish më të madhe krahasuar me objektivin fillestar të vendosur përpara ardhjes së legjendës argjentinase.
Për ta parë këtë në perspektivë, vetëm 33 skuadra në nivel global regjistruan më shumë se 200 milionë dollarë të ardhura operative në sezonin 2021/22.
Thyerja e rekordeve
200 milionë dollarë të ardhura të parashikuara do të tejkalonin fitimet më të mira në një vit të çdo skuadre në historinë e Major League Soccer.
Ndikimi global i transferimit të Messi në skuadër është i pamohueshëm, duke e pozicionuar Inter Miami si një ekip që duhet marrë në konsideratë, si në frontin vendas edhe në atë ndërkombëtar.
Krahasimi me klubet europiane
Duke bërë një krahasim me disa prej klubeve të famshme europiane në lidhje me të ardhurat operative në sezonin 2021/22, të ardhurat e parashikuara të Inter Miami krijojnë një tablo mbresëlënëse:
AS Roma: 216 milionë dollarë
AFC Ajax: 213 milionë dollarë
Southampton FC: 201 milionë dollarë
SL Benfica: 191 milionë dollarë
Olympique Lyonnais: 189 milionë dollarë
SSC Napoli: 173 milionë dollarë
Bumi i marketingut i udhëhequr nga Messi
Përtej rritjes financiare, fenomeni Messi ka shtuar përpjekjet për marketing dhe branding për Inter Miami.
Që nga lajmet e para të publikuara për një marrëveshje midis lojtarit dhe klubit, ndjekja e mediave sociale të Inter Miami ka kapur majat.
Mjafton të marrim në konsideratë shifrat
-3,6 milionë ndjekës totalë të Inter Miami më 6 qershor 2023.
-26,3 milionë ndjekës totalë të Inter Miami më 27 gusht 2023.
/ Football Benchmark
