Blerina Çifliku Behari/ PYETËSOR

– Si e kalon kohën?
– Duke prekur
mendimin që zhytet në liqen.
– Po tjetër?
– Jetën që luan kukamshehti.
– Çfarë sheh?
– Lëmshin që tjerr nënokja përmbi tastierë.
– Ku vrapon?
– Nëpër kilometra rrjedhjesh,
në shkretëtirë.
– Si mërzitesh?
– Në inekzistencën e ekzistencës. – A shpreson?
– Në kalendarin e shkruar,
në gjetherënës,
humbas me të.
– Ke kohë për ringjalljen?
– Jam,
në proces të rimisherimit te kafshët.