…
Për plagët mos më pyet
Dhembin apo s’dhembin
Në më sheh në këmbë
Ato shpirtin shembin!
…
Në më sheh në këmbë
Nuk dua të dorëzohem
Dhimbjen mbaj ndër dhëmbë
Duroj , të mos rrëzohem!
…
Kam kaluar dallgë
Me stuhi jam përplasur
Jam zënë me lotë e mall
Jam sfilitur e gajasur.
..
Qesh nëse të qeshet
Në turme ke plot të mjerë
Veç balta shtypet e ngjeshet
I japin formë të tjerë!
…
Diku..
Diku në një rrugicë , një stol ..një pemë
Ca guralecë endur kuturu
Me erdhi në mendje të shkruaj poemë
Te ulem i vetëm edhe unë këtu.
…
E nisa me pemën, si jeton larg pyllit?!
pastaj me guralecët…këtu kush i solli?
E sytë i çova drejt një ylli
I vetëm, ulur mbi ftohtësinë e një stoli.
…
Diku ..unë i shoqëruar nga gjethet e çelura
nga rrugica që zgjat e tutje të çon
Nën këmbë guralecë të mbledhura
Dhe mbi krye një qiell që s’di ku mbaron.
