Bislim Ahmetaj/ Beach & burg.

Dy janë krye lajmet që po çmendin verën shqiptare: Bumi i turistëve të huaj që kanë zgjedhur Shqipërinë për pushime dhe bumi i të arrestuarve vendas.
Turistët e huaj dhe të arrestuarit vendas i bashkon larmia e moshës, gjeografia, portofoli dhe statusi social.
Janë të të gjitha moshave, të rinjë, mosha të mesme dhe pensionistë siç edhe të prangosurit që janë nga të mitur, të rinjë, meso moshë e deri pensionistë. Turistët vijnë nga vende të ndryshme që nga Azia e largët e deri tek fqinjët tanë italianë njëlloj si të burgosurit vendas që kanë shpërndarje gjeografike nga Kuksi në Himarë, nga Maliqi në Fushë- Kuqe.
Ka turistë të huaj të varfër të tipit autostop , të mesëm që pronotojnë apartamente dhe hotele të zakonshme, siç ka edhe të majmur me jahte të cilët i parkojmë përballë vilave luksoze, ngjashëm me të arrestuarit vendas që kapen me një gram hashash apo që kanë drejtuar makinën në gjëndje të dehur, me zyrtarë të nivelit të mesëm që janë detyruar të hedhin firmat nëpër tendera abuziv, por ka edhe dinasaur që të dhjefsha bankierët, bile edhe disa banka fantazmë që lindin e shuhen përditë në vendin tonë.
Ka turistë të huaj që si njeh as komshiu i vet në vendin prej nga vinë, ka edhe turistë vipa si Dua Lipa, Toni Bler apo Gorgia Meloni njëjtë me të arrestuarit vendas të kësaj vere që nisin nga bariu i harruar Salarisë që hodhi cigaren në kullotë dhe desh dogji edhe bithën e tij deri tek zv/kryeministri që ka marrë arratinë nga frika e prangave që e thërrasin.
Kanë edhe gjëra që i ndajnë turistët e huaj me të arrestuarit vendas, të parët e lavdërojnë pafund vendin tonë, të dytët e mallkojnë me rrënjë.
Ama një gjë i bashkon si mishi me thoin, ajo është media jonë e dhier që i nis dhe i mbaron edicionet e lajmeve me bumin e turistëve të huaj dhe bumin e të arrestuarve vendas.