Historia e vërtetë: Kur Christopher Dempsey ofroi t’i dhuronte gjysmën e mëlçisë së tij një pacienteje, megjithëse e dinte se kjo do t’i shpëtonte jetën, ai kurrë nuk e imagjinonte që në të ardhmen kjo vajzë do të bëhej gruaja e tij.
Gjithçka filloi kur 38-vjeçari Christopher dëgjoi një koleg në punë në Frankfort, një fshat në jug të Çikagos, duke folur për një kushëri të tij që kishte nevojë urgjente për një transplant të mëlçisë.
Vajza ishte sa brenda dhe jashtë spitaleve për dy vjet dhe mjekët i dhanë 50% shanse për të mbijetuar edhe për dy muaj të tjerë nëse nuk mund të gjente një transplant. Në kërkimin e saj për të gjetur një donator dhe duke qenë shumë e shqetësuar, pasi lista përkatëse e pritjes i kalonte 119,000 pacientë, u shfaq për mrekulli Christopher!
“Mendova se do të doja që dikush të më ndihmonte mua ose një anëtar të familjes në një situatë të ngjashme”, tha ai për BBC.
Një histori e bukur e një transplanti që përfundoi në martesë.
Kështu ai shkoi dhe iu nënshtrua testit përkatës, duke konstatuar se ishte plotësisht i pajtueshëm me pacientin. Hera e parë që ata folën ishte kur ai telefonoi Heather për t’i njoftuar se do t’i dhuronte gjysmën e mëlçisë së tij asaj në fillim të shkurtit 2015.
Kuptohet që vajza dhe familja e saj shpërthyen në lot për dhuratën e tyre hyjnore! Në javët para transplantimit, të dy filluan të kalonin gjithnjë e më shumë orë së bashku, ndërsa Christopher dhe klubi i motoçikletave ku ai është anëtar, bënë një fushatë për të mbledhur fonde për bamirësi. “Ne po dilnim së bashku duke bërë një mbledhje fondesh dhe fillova të mendoj se ajo është një vajzë vërtet e mirë dhe duhet ta njihja më mirë”.
Kur erdhi koha për të hyrë në sallën e operacionit në Klinikën e Universitetit të Illinois më 16 mars, ata kishin shkuar tashmë në disa takime, por e zyrtarizuan marrëdhënien e tyre pas operacionit. “Isha i sigurt se gjithçka do të ishte mirë. Isha pak nervoz – ka gjithmonë mundësi që diçka të shkojë keq – por asnjëherë nuk kam menduar të tërhiqem…”, tha 38-vjeçari.
Disa kohë më vonë ata morën një udhëtim me karrocë në Çikago dhe atje Christopher i propozoi të dashurës të tij.
19 muaj pas transplantimit ata shkëmbyen betimet e besnikërisë dhe përkushtimit të përjetshëm.
“Asnjë herë, në një milion rrethana, nuk më ka shkuar në mendje se do të martohesha me të kur pranova të merrja pjesë në gjithë këtë.
Është e pabesueshme…”, tha i lumtur Christopher, duke mbajtur në krahë dashurinë e jetës… “Emocioni në dasmë është i papërshkrueshëm, sidomos nga Heather dhe familja e saj. Nga ana tjetër, nuk e kisha imagjinuar kurrë që do të përfundoja në martesë kur të pranoja të dhuroja gjysmën e mëlçisë. Është e pabesueshme!”
