M
Kryeministri i Kosovës, Albin Kurti ka takuar dje një grup të rinjësh që bëjnë praktikë në institucionet shtetërore.
Ai i ka takuar ata në mjediset e jashtme të selisë qeveritare dhe teksa është përshëndetur, në fjalën e tij ka ironizuar edhe iniciativën e mbështetur fuqishëm nga Kryeministri Edi Rama për “Ballkanin e Hapur”.
Reagimi i Kurtit në rrjetet sociale:
Ballkoni i Hapur i Qeverisë, sonte ishte i hapur për të rejat dhe të rinjtë, përfitues nga Programi “Praktikë në Qeveri”.
Janë afro 250 të rinj, prej tyre rreth 80% vajza, që janë angazhuar në institucione të ndryshme qendore, nga Zyra e Kryeministrit, Ministria e Financave, e Drejtësisë, e Mjedisit dhe Infrastrukturës e deri te Galeria Kombëtare e Ministrisë së Kulturës e Agjencia e Ushqimit dhe Veterinarisë e Ministrisë së Bujqësisë, që për gjashtë muaj ndjekin praktikën me pagesë.
Ata janë praktikantë në qeverinë tonë, e cila është qeveri e një praktike të re: të shërbimit, barazisë, progresit.
