Në sferën e gjerë të internetit, një pjesë e vogël e faqeve të internetit janë shfaqur si gjigantë globalë.
YouTube dhe Facebook kanë miliarda përdorues dhe formësojnë përvojat tona në internet.
Por, herë pas here, valët e reja të inovacionit mund ta tronditin këtë listë, e cila është pikërisht ajo që po ndodh tani me inteligjencën artificiale gjeneruese (generative AI).
Duke përdorur të dhëna nga firma analitike SimilarWeb, u studiuan 25 faqet e internetit më të mira, bazuar në numrat e tyre më të fundit të përdoruesve.
Pesha e faqeve të internetit
Në vitin 2023, kompanitë e internetit në pronësi të Alphabet dhe Facebook, dominojnë listën e 25 më të mirëve.
Në fakt, Google, YouTube, Facebook, Instagram dhe WhatsApp së bashku, përbëjnë tre të katërtat e trafikut total të listës me 25 faqe.
25 faqet e internetit të mësipërme, së bashku kanë 192 miliardë vizita mujore.
Shumica e faqeve të internetit në këtë listë, janë me bazë në SHBA, por disa faqe si Baidu (Kinë) dhe Yandex (Rusi), gjithashtu janë përfshirë në renditje.
Tre faqet e internetit për të rritur në listë – XVideos, PornHub dhe XNXX – janë me bazë jashtë SHBA-së.
AI gjeneruese
Një vit më parë, renditja e Bing si një nga faqet e internetit më të mira në botë, nuk i shkonte ndër mend askujt.
Por, motori i kërkimit i Microsoft-it, këtë vit ka përfituar jashtëzakonisht nga bumi gjenerues i IA-së, duke e bërë atë konkurrent legjitim në kategorinë e motorëve të kërkimit, që është dominuar fort nga Google për vite me rradhë.
Sigurisht, historia më e jashtëzakonshme këtë vit është rritja meteorike e OpenAI, krijuesi i ChatGPT dhe mjeteve të tjera të fuqizuara nga IA.
Trafiku në internet i OpenAI është rritur gjatë vitit, duke u rritur nga rreth 20 milionë në muaj në vjeshtën e vitit të kaluar, në 1.8 miliardë në prill 2023.
Në fakt, trafiku i faqes në internet të OpenAI po rritet aq shpejt, saqë së shpejti mund të tejkalojë gjigantët si TikTok dhe Amazon.
Rritja e OpenAI dhe ChatGPT tregon se sa shpejt një kompani mund të rritet në rëndësi, nëse oferta e tyre e teknologjisë është mjaft bindëse.
Mbetet për t’u parë nëse ky popullaritet mund të mbahet për një afat të gjatë. / Visual Capitalist
